Монгол Улс БНСУ-тай чухал ашигт малтмалын салбарт хамтарна

Бүгд найрамдах Солонгос улс, Монгол Улс чухал ашигт малтмал, ханган нийлүүлэлтийн сүлжээ болон стратегийн бусад салбарт хамтран ажиллах стратегийн яриа хэлэлцээг эхлүүлжээ. Өнгөрсөн даваа гарагт БНСУ-ын Гадаад харилцааны тэргүүн дэд сайд Пак Юн Жү Монгол Улсад ажиллахдаа Монгол Улсын Гадаад харилцааны дэд сайд Г.Амартүвшинтэй уулзахдаа энэ талаар санил солилцсон байна.

БНСУ-ын Гадаад харилцааны  тэргүүн дэд сайд Пак Юн Жү чухал ашигт малтмал, эрүүл мэндийн салбарт хоёр улсад харилцан ашигтай байдлаар нягт хамтран ажиллахыг Монголын талд уриалжээ. Харин манай талаас дээрх салбаруудаас гадна ногоон технологи, хиймэл оюун зэрэг салбарт бодит үр дүнд хүрнэ гэдэгт найдаж байгаагаа илэрхийлсэн байна.

Талууд үүнээс гадна Солонгосын хойгийн талаар санал солилцож, тухайн бүс нутагт энх тайван, тогтвортой байдлыг бэхжүүлэхийн тулд хамтран ажиллаж, уламжлалт харилцаагаа үргэлжлүүлэхээр тохиролцжээ.