911 албаны оператор цаазын ял нь бүтэлгүйтсэн Пайкт тусламж хүсэхэд тоглож байна гэж үзжээ
АНУ-ын Теннесси мужийн хорих газраас 911 алба руу залгаж, цаазын ял нь бүтэлгүйтсэн Криста Пайкт түргэн тусламж ирүүлэхийг хүссэн дуудлагыг оператор хуурамч дуудлага гэж үзсэн байна.
Associated Press агентлагийн мэдээлснээр, Пайкт үхлийн тун тарьснаас хойш нэг цаг орчмын дараа 911 алба эхний дуудлага авсан байна. Дуудлага ирснээс хагас цагийн дараа түргэн тусламж хүссэн хүсэлт үнэн болохыг баталж, аврагчид, эмч нарыг хорих газарт нэвтрүүлжээ.
911 албаны оператор бид үнэхээр тийм зүйл болсон, тусламж явуулах шаардлагатай эсэх, хуурамч дуудлага биш эсэхийг нягтлахыг хичээсэн гэж ярьжээ. Дуудлага авснаас хэдэн минутын дараа оператор дуудлагыг хуурамч болохыг цааш мэдээлжээ. Утасны ярианы бичлэгээс үзвэл, хорих газрын ажилтнууд эхний дуудлага өгснөөс 31 минутын дараа түргэн тусламж хүссэн дуудлага нь үнэн зөв болохыг баталсан байна.
Сануулахад, есдүгээр сарын 30-нд Теннесси мужийн Нэшвилл хорих газарт цаазын ял авсан Криста Пайк гэгчид хоёр тун хортой тариа хийсэн ч ялтан амьд байсаар байв. Үүнээс өмнө түүний өмгөөлөгчид Пайк судас бүлэгнэх өвчтэй тул хорт тариа хийсэн тохиолдолд бүлэн үүсэж болзошгүйг анхааруулж байжээ.
Сэтгэгдэл ( 0 )