Баасан хатагтай кинонд тоглох гээд байна уу,тоглоод байна уу

SBN телевизээр сүүлийн үед “Ялагдашгүй” нэртэй олон ангит кино гарч байна. Гэтэл нөгөө тоон дотор үсэг цохиж явна гэгчээр Чөлөөт ахмадын холбооны ерөнхийлөгч Баасан нэгэн үйлчлэгч эмэгтэйн дүр бүтээгээд тууж явах юм.

Түүний тоглосон энэ киног үзсэн нэг нь “Хөөх Баасан эгч кинонд тоглоод жаатай байна. Мань мэт ч гэсэн мөнгөтэй бол кинонд тоглож болох юм байна ш дээ” хэмээн өөр зуураа яриад явах вэ дээ. Нэг л хиймэл маягаар тоглосон түүний  энэ дүрийг харахаар “Монголын кино урлагт энгийн нэгэн үйлчлэгч хийчихээр жүжигчин олдохгүй байгаа юм байх даа” гэсэн харуусал ч төрөх шиг. Эсвээс нээрэн хүмүүсийн өөр зуураа яриад байгаа шиг Баасан хатагтай мөнгөө төлөөд захиалгаар хийлгэсэн кино ч юм уу гэсэн бодол төрөх. За мөнгөтэй хүн лаагаа иднэ үү луувангаа иднэ үү маньд юуны хамаа юусан билээ дээ, гэхдээ л монголын кино урлаг гэж бодохоор харамсаад байх юм.

Эх сурвалж: "Улаанбаатар таймс" сонин