Улсын начин Б.Одхүүд ”нудруулсан” Олимпийн аварга бэртлээ Солонгост эмчлүүлнэ

Улсын начин Б.Одхүү хэзээний л зодоон цохион хийж явдгаараа зартай. Тэрбээр өнгөрсөн баасан гарагт олимпийн аварга Н.Түвшинбаяр, улсын заан Ц.Баярсайхан нарыг зодож танхайрсан хэргээр цагдаагийнханд саатуулагдаж өдгөө хоригдсон байна. Харин түүний доромжлолыг тэвчиж чадалгүй үг сөрснөөр зодуур амссан олимпийн аварга Н.Түвшинбаяр зодооны үеэр авсан бэртэл гэмтлээ эмчлүүлэхээр Солонгос улсыг зорьжээ. Урьдчилсан байдлаар үзлэг хийхэд толгой, хавиргандаа бага зэрэг гэмтэл авсан байна.