Ромын шинэ папыг сонголоо

Ромын католик шашны шинэ Папыг сонголоо. Ромын Папыг нууцаар сонгох үйл ажиллагааны үр дүн гарсныг ард түмэн амархан мэддэг аж. Тодруулбал Сикстинийн дуганд байрлуулсан пийшингийн яндангаас гарсан цагаан утаагаар мэддэг байна. Энэ удаагийн нууц сонгуулиар Аргентин улсын иргэн Хорхе Марио Бергольо Ромын 266 дахь Папаар сонгогдсон бөгөөд түүний нэрийг Гэгээн Петрийн дуганы тагтан дээрээс “Би та бүхэнд агуу их баяр хөөрийг мэдэгдэж байна. Бид Паптай боллоо” хэмээн зарлажээ. Түүний дараа шинэ пап Хорхе Марио Бергольо нь папын өмсгөлийг өмсөн гарч ирсэн бөгөөд “Хот болон дэлхий дахинд” гэсэн анхны үгээ хэлснээр Ромчууд шинэ папаа хүлээн авчээ.