Салаавч гаргасан Ч.Ганхуяг хилийн чанад руу зугтаасан уу?

Талх судлаач, Түүх судлаач гэх нэр зүүж бүр сүүлдээ “Салаавч” болсон Сангийн дэд сайд асан Ч.Ганхуяг сүүлийн үед олны анхааралд их өртөх боллоо. Тэрбээр төрийн ордон руу салаавч гаргасан хэргээр цагдаагийн байгууллагад байцаагдах болоод байгаа юм. Ч.Ганхуягтай хамт ийм үйлдэл хийсэн Б.Болдсайханыг цагдаагийн газраас мэдүүлэг өгөхөөр дууджээ. Харин Ч.Ганхуяг эзгүй байсан учраас мэдэгдэл хүргүүлж чадаагүй байна. Учир нь өчигдөр Дэлхийн Эдийн Засгийн Форумын Зуны Давосын чуулганд оролцохоор хилийн дээс алхжээ. Ямартаа ч түүнийг буцаж ирэхэд нь хуулийнхан байцаалт авч, “Салаавч” гаргасан үйлдэлд нь хариуцлага тооцох биз ээ.