Энэ долоо хоногийн сүүлээс хүйтний эрч чангарна

Ус, цаг уур орчны шин­жилгээний хү­рээ­лэн­гийн мэдээлж буй­гаар өнөө маргаашдаа Төв, Архангай, Өвөрхан­гай аймгийн хойд сумдын нутаг, Дундговь аймгийн ихэнх нутгаар цас орж зөөлөн цасан шуурга шуур­на. Харин нөгөөд­рөөс Баян-Өлгий, Ховд, Говь-Алтай аймгийн уулар­хаг хэсгээр, 7-оос ихэнх нутгаар бага зэр­гийн цас орно. Хур туна­дас орох үеэр говийн бо­лон Баян-Өлгий, Говь-Алтай, Баянхон­гор, Зав­ханы уулархаг нутгаар секундэд 12-14 метр хүрч ширүүснэ. Ойрын өдрүү­дэд нийт нутгаар цаг агаар тогтуун хангайн бүс нутгуудаар өдөртөө 4-10, шөнөдөө 9-18 градусын хүйтэн байх бол энэ долоо хоногийн сүүлчээр Хөвсгөл, Сэлэнгэ, Хэнтий аймгийн хойд сумд, Баян-Өлгий, Увс, Завхан аймаг зэрэг уулархаг нутгаар хүйтний эрч эрс чангарч, шөнөдөө 22-27, өдөртөө 15-21 градус хүрч хүйтрэх төлөвтэй байна. Харин Архангай, Өвөрхангай, Сүхбаатар, Дорнод айм­гийн баруун хэсгээр өдөр­төө 10-15, шөнөдөө 16-22 градусын хүйтэн байх аж. 

Говийн бүс нутаг буюу Өмнөговь болон Дор­но­говь аймгийн өмнөд хэс­гээр энэ долоо хоногтоо шөнөдөө 9-14 градус хүй­тэн бол өдөртөө 4 градус дулаанаас 3 градус хүйтэн байна.