Хөтлөгч Э.Гантулгыг Б.Эрдэнэтуяа одоо ч зүрхэндээ нандигнадаг

“Монгол Чанву” тодотголоо одоо ч нэр төртэй хадгалж, охид бүсгүйчүүдийг сэм сэмхэн санаа алдуулсаар байгаа хөтлөгч Э.Гантулга яагаад ч юм гэрлэж бараалдаггүй. Байсгээд л охид бүсгүйчүүдтэй нэр холбогдох атал төд удалгүй хоёр тийш болсон сураг дуулддаг. Түүний халуун хайрыг хүртэж, нэг үе сайхан хосуудын тоонд нэрлэгдэж байсан Б.Эрдэнэтуяа хэмээх бүсгүй Холливудын бэр болсон. Олон хүн Э.Гантулгыг хайртай бүсгүйгээ харийн эрд алдсанаас хойш эмэгтэйчүүдийн ертөнцөд одгүй байгаа гэж жиг жуг хийдэг. Тэгвэл тэдний ээдрээт хайрын түүх саяхан тайлагджээ. Жилдээ нэг удаа эх орондоо ирээд буцдаг Б.Эрдэнэтуяа энэ олон жилийн дараа анх удаа хэвлэлд ам нээсэн байна. Холливудын нэрт од Стивен Сигалын гэргий саяхан “Гоёл” наадмын тайзнаа гарч ур чадвараа гайхуулаад амжсан. Б.Эрдэнэтуяа Э.Гантулгаас салаад дөрвөн жил болсны дараа нөхөртэйгөө учирсан талаараа “Гранд” сэтгүүлд өгсөн ярилцлагандаа дэлгэрэнгүй ярьсан байна. Мөн тэрээр одоо ч Э.Гантулгыг сэтгэлдээ нандигнаж явдаг гэнэ шүү.