АПЕК-ийн чуулганы үеэр Хятадад хийж болохгүй долоон зүйл

Ази, Номхон далайн орнуудын эдийн засгийн хамтын ажиллагааны 22-р чуулганы үеэр зохион байгуулагч БНХАУ-ын нийслэл Бээжинд дараах долоон зүйлийг хийхийг хатуу хориглосон байна. Барууны хэвлэлүүд эдгээр хоригуудаас коммунист улсын шинж тод харагдаж байна хэмээн бичжээ.

1. Гэрлэлт- орон нутгийн иргэдийн хөдөлгөөнийг багасгах зорилгоор гэрлэлтийн гэрчилгээ олгодог Засгийн газрын байгууллагуудыг хаасан бөгөөд энэ хугацаанд хуримын ёслол хийхийг хориглосон байна.
2. Галын наадам- олон орны төрийн тэргүүд орлцож буй учраас аюулгүй байдлыг хангах үүднээс галын наадам зохион байгуулахыг хоригложээ.
3. Жолоо барих- Бээжин хотын тээврийн хэрэгслүүдийн хөдөлгөөнд хязгаарлалт хийсэн бөгөөд хувийн машинуудыг дугаар нь тэгш, сондгойгоор төгссөн байдлаар хязгаарлаж байна.
4. Ажил- ихэнхи төрийн албан хаагчид болон хувийн зарим салбарын ажилтнуудад албан журмын амралт олгожээ.
5. Сургууль- Бээжингийн сургуулиудын сурагчдыг долоо хоног амрааж байна.
6. Эмнэлэг- яаралтай түргэн тусламжийн төвөөс бусад төрийн эрүүл мэндийн газруудыг хааж, заримд нь цагийн хязгаарлалт хийжээ.
7. Шатах бодис- цементийн үйлдвэрүүдэд шатах нүүрснээс эхлээд үхэгсдийг оршуулахад Хятадын уламжлал болсон оршуулгын газар нас барагсдын хувцсыг шатаах явдлыг ч хориглосон байна.

Б.Ариунцэцэг