Монголын нөлөө бүхий улс төрч Щвейфарийн ”REYL” банкинд мөнгө нуусныг УИХ-ын гишүүд зарлалаа

УИХ-ын гишүүн Т.Аюурсайхан нарын гишүүд дөнгөж сая Төрийн ордонд мэдээлэл хийлээ. Тэд "Оффшорын эсрэг хууль"-ийг эцсийн хэлэлцүүлэгт шилжүүлсэн талаараа мэдэгдсэн юм. Энэ үеэр Т.Аюурсайхан гишүүн "Оффшорчдын эсрэг хуулиар улс төрчид оффшор бүсэд данс эзэмшихийг хориглосон байгаа. Зөвхөн тухайн улстөрч ч биш тэдний үр хүүхэд, хамаатан садан хэн ч байсан, гэр бүл тусгаарласан байсан ч хамаагүй оффшор бүсэд данстай байхыг хориглосон.

Хэрвээ оффшорт данстай нь илэрвэл гурван сарын дотор хаах хуулийн зохицуулалт хийсэн байгаа. Энэ бүхнийг хэрэгжүүлэхэд гадаадын хуулийн байгууллагуудтай хамтран ажиллах болно. Одоогийн байдлаар дэлхийд нийтдээ 42 оффшор бүс байдаг гэсэн тоо байна. Энэ бүх бүсийг бид хянах боломжтой. Мөн Оффшорын эсрэг олон нийтийн санал санаачилга гарч байгааг дэмжиж байгаа. Олон нийтийн эв санааны нэгдлийг хэсэг бүлэг хүмүүс буруу ташаа ашиглах явдал гаргаж байгаад сэргийлж ажиллах ёстой." гэсэн юм. Мөн энэ үеэр мэдээлэл хийсэн УИХ-ын гишүүд"Бидэнд тодорхой мэдээлэл байгаа. Щвейцарийн REYL банкинд манай улсын иргэн нэлээн хэдэн сая доллар нуусан гэх мэдээлэл байгаа" гэсэн юм. Мэдээлэл хийсэн гишүүд "Оффшорчидтой тэмцэх лобби бүлэг" байгуулснаа ийнхүү зарласан юм.

С.Баяр