Б.Билэгжаргал: Миний сонголт олон залуусын оюунлаг, гэгээлэг сонголтын нээлт байгаасай
МУИС-ийн нэгдүгээр курсын оюутан Б.Билэгжаргал анх удаагаа сонгуульд санал өгөх гэж байгаа. “Сонгууль өгнө гэхээр л есдүгээр сарын 1 шиг догдолж байна” гэх энэ охин Өмнөговь аймгийн мянга мянган залуусын төлөөлөл. Тиймээс ч сонгуулиа заавал өгнө, өгөхдөө оюунлаг сонголт хийнэ гэж байлаа. Энэ тухайгаа “Миний сонголт бол Эвтэй Монгол Ээлтэй төрийг уриалж байгаа М.Энхболд ах байх болно. Яагаад гэвэл залуус бид оюун ухаан, эрдэм чадал илүү сайн сайханд хүргэнэ гэдгийг мэднэ. Тийм ч учраас боловсрол мэдлэгтэй оюунлаг сонголт хийнэ. Миний энэ удаагийн сонголт олон олон залуусын оюунлаг, гэгээлэг сонголтын нээлт байгаасай гэж хүсч байна” гэсэн юм.
Улаан, цэнхэр батлахын алийг нь ч өвөртлөөгүй Б.Билэгжаргал охин Ерөнхийлөгчид нэр дэвшигчдээс боловсролыг нь онцгой анхаарч байгаагаа хэлсэн билээ. Сүүлийн үед зарим нам “Боловсрол яах вэ, сэтгэл л байхад болно” гэх үгийг зориудаар цацаж байгаа учраас боловсрол эзэмшихийн төлөө хичээж байгаа оюутан охин зөрж ч байж болох. Гэхдээ л түүний зөв, боловсрол чухал. Тэр тусмаа Ерөнхийлөгч болох хүнд бол бүр чухал.
О.Анир
Холбоотой мэдээ
Сэтгэгдэл ( 1 )
залуус Та нар үнэхээр ийм харалган юмуу эсвэл худалдагдаад ингэж ярьж явдаг юм уу наад МАН НАМ чинь сонгуулиар юу юу гэж гоё юм ярьж ялж гарлаа Одоо тухайн үeд хэлж ярьж амласанаасаа тэс ондоо үйл ажиллагаа явуулж байгааг залуу хүн ингээд яриад зогсож байж болох уу наадуул чинь сонгуулийн маргаашнаас чи биднийг ор тас мартана гэдгийг сана