Монгол Улсын Ерөнхийлөгчийн сонгуульд Ардчилсан намаас нэр дэвшигч Х.Баттулга, Улсын Их Хурал дахь Ардчилсан намын бүлгээс “МАН-ын нэр бүхий албан тушаалтнууд сонгуулийн дараа 60 тэрбум төгрөг босгох тухай” гэх 90 минутын бичлэгийг шалгуулахаар Улсын Ерөнхий Прокурорын газар, Авлигатай тэмцэх газар, Тагнуулын ерөнхий газарт тус тус хандсан билээ.
Тус ажлын хүрээнд Улсын Ерөнхий Прокурорын газраас харьяалах чиг үүргээр нь хамтарсан ажлын хэсэг байгуулж 14 хоногийн хугацаанд шалгалтыг хийж дуусгахыг даалгасан.
Авлигатай тэмцэх газраас 2016 оны сонгуулиар сонгогдсон болон сонгуулийн дараа томилогдсон Улсын Их Хурал, Засгийн газрын гишүүд, яам, агентлаг, төрийн өмчийн оролцоотой аж ахуйн нэгжүүдийн эрх бүхий албан тушаалтан, нэр бүхий иргэдээс тайлбар авахад Монгол Ардын Намын нэр бүхий албан тушаалтнууд авлига авч, 60 тэрбум төгрөг босгосон гэх үйлдэл нь одоогоор тогтоогдоогүй байна.
Иймд тухайн тайлбарууд бүхий 337 хуудас материалыг Нийслэлийн прокурорын газарт хянуулахаар хүргүүлэв.
Ийнхүү прокурорт баримтыг хүргүүлсэн нь тухайн гомдол, мэдээлэл хаагдаж буй гэсэн үг биш бөгөөд зарим шалгалтын ажиллагаа үргэлжилж байна.
Эх сурвалж: Авлигатай Тэмцэх Газар
Сэтгэгдэл ( 6 )
Аль нам засаг барьж байна хууль хүчнийхэн тэдний талд үйлчилдэг нь хэдий тогтчихсон асуудал шүү дэ. Тэгээд ч Сундуй ч билүү Сандуй ч билүү самарсан нөхөр хэргээ хүлээчихсэн биз дээ
Ялангуяа санал авах машиныг хакердсан талаар Америкийн Тагнуулын төв газарт мэдээлж хамтран шалгалт хийх санал тавиач тэд бас сонгуулийн үйл ажиллагаанд гадныхан нөлөөлсөн гэж шалгаж байгаа ш дээ
Ярьсан нь үнэн гэж Сандуй нь хүлээн зөвшөөрсөн уулзсан нь үнэн гэж Мөнхбат нь хүлээн зөвшөөрсөн байхад харахгүй байна гээд байгаа харалган сэрэмжгүй байгууллага Монгол улсад хэрэгтэй юм уу. АН Олон улсын шинжээчээр дүгнүүлээд наад байгууллагуудыг татан буулга ард түмэн дэмжинэ
Шинээр томилогдсон хүмүүс чинь мөнгөө алдсан хүн шиг байгууллагуудад өлөв долив гээд мөнгө төгрөгтэй холбоотой ажил болгоныг шүүрч аваад ажиллаад хүн халж хүн ажилд аваад байгааг чинь юу гэж ойлгох юм бас ямар ч мэргэжлийн бус хүмүүсийг мэргэжлийн хүн ажилдаг ажилд тавиад байгаа нь сайжруулж байна гэх үү сайн төлбөрөө хийсэн гэх үү АТГ-г бүрэн цэвэрлэж ард түмнээс томилдог болго
2014 onii bichleg ter yes yarij shalguulahgui suiliin songuul burd yarij ba
Enkhboldiigoo tataj avmaarshd. Namaa avrah oor arga bgaaldaa gehdee udaan argatsaahguil bolovuu