Б.Одсүрэн: У.Хүрэлсүхийн “Хүнсний эх орон” болох зорилт таалагдаж байна

Ерөнхий сайдад нэр дэвшигчийг тодруулах МАН-ын бага хурал дээр У.Хүрэлсүх “Бид далайд гарцгүй ч хүн далайд гарцтай. Бид хүнсний гүрэн болох ёстой” хэмээн онцолж, улс орны чухал сэдвүүдээр баримтлах бодлогоо тоймлон хэлсэн байна. Энэ нь олон хүнд таалагдаж, улс төрд шинэ шийдэл, эрс зоримог алхмууд хэрэгжүүлэх юм байна гэсэн итгэл найдварыг төрүүлж эхэлжээ. Тухайлбал, энэ талаар “Метро девелопмент” группын Ерөнхийлөгч Б.Одсүрэн өөрийн үзэл бодлоо илэрхийлжээ.

Тэрбээр “Шинэ трэнд “ХҮНСНИЙ ЭХ ОРОН” болох зорилго маш их таалагдаж байна. 

1. Ажлын байр, ажил эрхлэлтийн асуудал шийдэгдэнэ.
2. Эрүүл хүнсээр хангагдана (сонголтгүй хужаа ногоо идэж байгаа шүү дээ).
3. Байгаль орчин дагаад хамгаалагдах боломж нээгдэнэ.
4. Хотын төвлөрөл багасч, орон нутаг руу шилжилт хөдөлгөөн явагдана.
5. Шинэ технологи газар тариалан, хөдөө аж ахуйд хүчтэй нэвтэрнэ.
6. Аялал жуулчлал дагаад хөгжих үндэс суурь тавигдана.
7. Ховор ургамал, эмийн ургамал тариалалтын салбар хөгжинө.
8. Хүлэмжийн аж ахуй хөгжинө.
9. Суурьшилгүй газар нутгууд эзэнтэй болно.
10. Газар тариалангаа дагаад зам тээвэр хөгжинө гэх мэт олон давуу талтай. Харин хэрэгжүүлэхэд жинхэнэ утгаараа бага хүүтэй урт хугацаатай санхүүжилт хөрөнгө оруулалт хийдэг “Газар тариалангийн банк-Agriculture bank” – бодлогын банк хэрэгтэй. Хойд хөрш ОХУ-г ажиглаж байхад ХАА, Газар тариаландаа онцгой анхаарсны хүчинд өнгөрсөн 5 жилд хүнсний импортоо бараг 40-60 хувь шахсан байна. Харин Монголын хувьд Хятадын өсөн нэмэгдэж буй  хүнсний хэрэгцээг хангаж ажиллах нь Priority болох боломжтой” гэж дүгнэн бичжээ. 

Б.Хурцболд