Баян-Өлгийн аймгийн удирдлагууд тамга тэмдэгний асуудалтай хутгалдаж, Засаг даргаа огцруулсан тухай мэдээлэл олон нийтэд түгээд байна. Одоогоос арав гаруй хоногийн өмнө Засаг дарга А.Глымханыг огцруулахаар АН-ын 16 гишүүн гарын үсэг зурж, ИТХ-ын дарга Д.Бауыржанд өргөн барьсан аж. Гэвч хуулийн хугацаанд ИТХ-ын хурлаа хуралдуулаагүй учир яаравчлан хуралдаж, А.Глымханыг огцруулсан шийдвэр гаргасан гэнэ. “Огцруулсан,..”, “хууль бус шийдвэр”... хэмээн мэтгэлцэж буй толгой эргүүлсэн маргааны талаар Баян-Өлгий аймгийн АН-ын дарга Е.Зангараас тодруулахад,
-Глымханыг огцруулахаар ИТХ-ын нийт гишүүдийн дийлэнх буюу 22 хүн хуралдаж, 100 хувийн саналтайгаар огцруулахаар болсон. АН-ын 16 гишүүн одоогоос 17 хоногийн өмнө гарын үсгээ цуглуулж, огцруулах бичгийг ИТХ-ын дарга Баурыжинд өргөн барьсан. Ирц бүрдэхгүй байна,.. энэ тэр гэсэн шалтгаан хэлсээр байгаад хуулийн хугацаанд хуралдуулсангүй. Тиймэээс бид 15 хоногийн дараа ИТХыг хуралдуулж Засаг дарга Глымханыг огцруулах асуудлыг хэлэлцсэн. МАН-аас зургаан гишүүн байлцсан.
-Аймгийн МАН-ынхан эсэргүүцэж өлсгөлөн зарлаж байгаа тухай мэдээлэл байна
-Аа тийм. Намынхаа байрны өмнө нэг гэр барьсан байна билээ... гэлээ
Хууль зөрчсөн үйлдэл
Харин Засаг дарга А.Глымхан энэ талаар, "Аймгийн ИТХ-ын хуралдаанд ИТХ-ын дарга оролцоогүй. Аймгийн ИТХ-ын Тэргүүлэгчдээс ээлжит бус хуралдааны товыг зарлах тухай тогтоол гараагүй байсан. Тус хуралдаанаас гарсан шийдвэр хүчин төгөлдөр бус гэж үзэж байна. Шийдвэр нь бидэнд одоо хүртэл ирээгүй. Аймгийн ИТХ-ын Тэргүүлэгчид, Хурлын даргын бүрэн эрхэд халдсан зэрэг хуулийн зургаан төрлийн заалтыг зөрчсөн үйлдэл" гэжээ.
Мөн нэрээ хэлэхээс татгалзсан нэгэн эх сурвалжийн мэдээлсэнээр, тус аймгийн МАН-ын төлөөлөгчид зөрчилдөөд, АН-ын төлөөлөгчидтэй үгсэн аймгийн засаг даргаа огцруулчихсан юм байх.
З.Говьсайхан
www.zindaa.mn
Сэтгэгдэл ( 1 )
Намынхаа байрны өмнө гэр барьж аймгийн МАН-ын даргыг огцруулахаар болсон гэсэн.Учир нь МАН-ын даргаар УИХ-ын гишүүн Г.СОЛТАН ажилладаг бөгөөд тэрээр МАН-ны гишүүдийг үл тоож ямар ч ажил хийдэггүй нэгэн гэдгээ харуулаад байгаа бололтой.