Намрын чуулганыг 9-нд хаана

Автор | Zindaa.mn
2018 оны 02 сарын 03

УИХ-ын намрын чуулганыг ирэх долоо хоногийн баасан  гаригт буюу хоёрдугаар сарын 9-нд хаахаар  төлөвлөсөн байна. УИХ-ын даргын зөвлөлийн хуралдаанаас  дээрх шийдвэрийг өчигдөр гаргажээ.

Намрын чуулганыг жил бүрийн аравдугаар сарын 1-нд нээх дэгтэй ч амралтын өдөртэй давхацсан учир 2017 оны аравдугаар сарын 2-нд нээж байсан.

УИХ-аас 2017 оны намрын чуулганаар нийт 17  асуудал хэлэлцэхээр төлөвлөснөөс ихэнхийг нь батлаад байгаа юм. Үүнд:
1. Монгол Улсын 2018 оны төсвийн тухай хуулийн төсөл;

2. Нийгмийн даатгалын сангийн 2018 оны төсвийн тухай хуулийн төсөл;
3. “Төрөөс мөнгөний бодлогын талаар 2018 онд баримтлах үндсэн чиглэл батлах тухай” УИХ-ын тогтоолын төсөл;
4. Монгол Улсын Үндсэн хуульд оруулах нэмэлт, өөрчлөлтийн төсөл;
5. Төрийн албаны тухай хуулийн шинэчилсэн найруулга болон Төрийн албаны тухай хуульд нэмэлт, өөрчлөлт оруулах тухай хуулийн нэгтгэсэн төсөл;
6. Хөрөнгө оруулалтын банкны тухай хуулийн төсөл;
7. Улсын бүртгэлийн ерөнхий хуулийн шинэчилсэн найруулгын төсөл;
8. Эд хөрөнгийн эрхийн улсын бүртгэлийн тухай хуулийн шинэчилсэн найруулгын төсөл;
9. Иргэний улсын бүртгэлийн тухай хуулийн шинэчилсэн найруулгын төсөл;
10. Багшийн хөгжлийн тухай хуулийн төсөл;
11. Донорын тухай хуулийн шинэчилсэн найруулгын төсөл;
12. Баяжуулсан хүнсний тухай хуулийн төсөл;
13. Нийслэлийн эрх зүйн байдлын тухай хуулийн шинэчилсэн найруулгын төсөл;
14. Стандартчилал, техникийн зохицуулалт, итгэмжлэлийн тухай хуулийн шинэчилсэн найруулгын төсөл;
15. Төв банк /Монгол банк/-ны тухай хуульд нэмэлт, өөрчлөлт оруулах тухай хуулийн төсөл;
16. Банкны тухай хуульд нэмэлт, өөрчлөлт оруулах тухай хуулийн төсөл;
17. Бусад гэсэн асуудлыг багтаасан байдаг.

 

Ш.Адъяамаа

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин  (66.181.180.244)  2025 оны 03 сарын 13

Завсарлаад яах юм бэ.Улс эх орон чинь хэцүү байна

1  |  0
Top