Төрсөн ганц биений хүрэл зүрх чичирнэ

Хотын даргын бодож олсон "зүүн гаргүй" дүрмийг

Хол, ойрын жолооч нар ойлгохгүй байсаар буцаалаа

Шатахуун бинзенд оногдсон онцгой албан татварыг

Шантааж, хомсдолоор дайрсаар долоо хонуулаад буцаалаа

Өндөр цалинтай иргэний өврийг нэгжих хуулиа

Өдөр шөнөгүй загнуулаад өнөө нэг юм буцаалаа

Үхэхийн өмнөхөн амраахаар үзэглэж шийдсэн байснаа

Өөрсдийн дураар болог гээд дуртай дургүй буцаалаа

Хувь хүний орлогоос хуулийн хүрээнд хумслах гээд

Дундаж давхаргын сэхээтнүүдийн дайралтанд өртөөд буцаалаа

Архи, тамхинаас олох арван хувийн нэмэгдлээ

Цагаан сарын өмнө юм гээд цааш нь нэг буцаалаа

Авто машины импортын татаас, мөнгийг нэмсэнээ

Цагийн байдлаас болоод арай гэж л буцаалаа

Гаднаас ирэх тамхины хорт утааны гамшгийг

Улаанбаатарынхтай дүйнэ гээд гувчуур нэмсэнээ ч буцаалаа

Энэ Засгийн шийдсэн ийм долоон буцаалтыг

Их хурлаар шийдэхийг амьсгаа даран хүлээнэ би

Эдгээр долоон хуулийг хэрэгжих вий гэж бодохоор

Төрсөн ганц биений минь хүрэл зүрх чичирнэ!

Л.Ганзул

www.zindaa.mn