Д.Сумъяабазар сайд “Роснефть”-ийн удирдлагуудтай хэлэлцээр хийж байна

Уул уурхай, хүнд үйлдвэрийн сайд Д.Сумъяабазар  Давосын эдийн засгийн чуулга уулзалтад оролцох үеэрээ ОХУ-ын Шадар сайд Аркадий Дворковичтой уулзаж, түлш шатахууны хангамж, геологийн салбарын хамтын ажиллагааны талаар санал солилцсон байдаг. ОХУ-ын талаас энэ чиглэлээр цаашид дэмжлэг үзүүлэн ажиллахад бэлэн байгаа гэдгээ Шадар сайд Аркадий Дворкович уулзалтын үеэр илэрхийлж, улмаар өнгөрөгч сарын 29-ний өдөр Улаанбаатар хотод ОХУ-ын “Роснефть” компанийн удирдлагууд ажиллахаар болсон билээ.

Үүний дагуу өнгөрсөн долоо хоногийн дундуур  Роснефть”-ийн төлөөлөгчидтэй Уул уурхай, хүнд үйлдвэрийн сайд Д.Сумъяабазар  хэлэлцээр хийж эхэлсэн байна. Одоогоор хэлэлцээр үргэлжилж байгаа бөгөөд  тус асуудлаар хоёр тал байр сууриа нэгтгэсний дараа мэдээлэл өгөх юм байна.

Ш.Адъяамаа