ХХААХҮ-ийн сайд үүрэг, чиглэл өглөө

Монгол Улсын Ерөнхий сайд У.Хүрэлсүхийн орон нутагт дахь томилолт 7-10-нд хооронд явагдаж байна. Энэ хүрээнд ХХААХҮ-ийн сайд Б.Батзориг орон нутагт ажиллаж байна.

Тэрбээр Өвөрхангай аймгийн Хүнс, хөдөө аж ахуйн газрын даргад  “Малын өвчнөөс урьдчилан сэргийлэх, малын үржүүлэг, селекцийн ажил, үйлчилгээ”-г жил бүрийн 5 дугаар сарын 1-ний өдрөөс 10 дугаар сарын 20-ны өдөр хүртэл орон даяар явуулж байгаатай холбогдуулан яамнаас гаргасан ажлын төлөвлөлтийн дагуу ажлаа цаг хугацаанд нь үр дүнтэй зохион байгуулах мөн уг ажлын хүрээнд  хорогдсон малын сэг зэмийг устгах үүрэг даалгавар өглөө. Мөн аймаг, орон нутгийн удирдлагуудыг “Малын өвчнөөс урьдчилан сэргийлэх, малын үржүүлэг, селекцийн ажил, үйлчилгээ”-г үр дүнтэй явуулахад анхаарч ажиллахыг даалгалаа.