“Eurovision”-ы оролцогч руу дайрчээ

Лиссабонд уржигдар “Eurovision” олон улсын дууны наадам болж өндөрлөсөн билээ. Энэ жилийн тэмцээнд Израилийн дуучин Нетта түрүүлсэн юм.

Тэгвэл “Eurovision”-ы финалын тоглолтын үеэр дуулиантай явдал болжээ. Нэгэн эрэгтэй гэнэт тайз руу гүйн гарч, Их Британийн оролцогч SuRie рүү дайрч, микрофоныг нь булааж авахыг оролдсон байна. Харин дуучин бүсгүй юу ч болоогүй юм шиг тайвнаар үзүүлбэрээ үзүүлжээ.

Хамгаалалтын албаныхан танхайрсан этгээдийг тэр даруй тайзнаас буулгасан байна. Тэрээр тайзан дээрээс улс төрийн уриа хашгирах гэсэн гэж мэдүүлжээ. Гэхдээ түүний хэн болох, ямар ажил хийдэг зэргийг нь тогтоож чадаагүй байгаа аж.

Тэмцээний ялагч болсон Израилийн дуучин Нетта.

WWW.ZINDAA.MN