Г.Давааням: Төв цэвэрлэх байгууламж, шүүх хоёроос эвгүй үнэр ханхалдаг боллоо

МАХН-ын дүрэм, мөрийн хөтөлбөрт оруулсан өөрчлөлтийг бүртгүүлэх тухай Н.Энхбаяр нарын хүсэлтийг Улсын дээд шүүх 2018 оны 5 дугаар сарын 14-ний  өдөр хэлэлцсэн. Улсын дээд шүүх дээрх хүсэлтийг хэлэлцээд тус намын дүрэм, мөрийн хөтөлбөрт оруулсан өөрчлөлтийг бүртгүүлэх талаар ирүүлсэн баримтууд нь Улс төрийн намын тухай хууль болон Хуулийн этгээдийн улсын бүртгэлийн тухай хуульд заасан шаардлагыг хангаагүй гэж үзэж, бүртгэхээс татгалзсан. Тус намын удирдлагууд үүнийг эсэргүүцэж Улсын дээд шүүхэд дахин хандана гэж мэдэгдлээ. Тэд өнөөдөр Хэвлэлийн бага хурал зарласан юм.  Энэ үеэр МАХН-ын Хяналт, ёс зүйн хорооны дарга Г.Давааням “Улсын дээд шүүх, төв цэвэрлэх байгууламж хоёроос эвгүй үнэр ханхалдаг боллоо. Дээд шүүхийн шүүгч Г.Цагаанцоож, Х.Сонинбаяр нарыг Авлигатай  тэмцэх газар хандаж шалгуулна. Шүүгч эрх мэдэлтэнд үйлчилдэг болсон. Ерөнхий сайд асан С.Баяр, Ч.Сайханбилэг нарын талаар шүүх нэг өдөр хоёр шийдвэр гаргаж байгаагаас харагдана” гэж ярилаа.

А.Эрдэнэ

www.zindaa.mn