АТГ-аас Жижиг, дунд үйлдвэрийг хөгжүүлэх сангаас өөрийн хамаарал бүхий компаниараа дамжуулж их хэмжээний зээл авсан хэрэгт Хүнс, хөдөө аж ахуй, хөнгөн үйлдвэрийн сайд асан Б.Батзориг нарыг шалгаж байгаа билээ. Харин прокурорын байгууллагаас түүнийг УИХ-ын гишүүний бүрэн эрхээс нь түдгэлзүүлж, шалгах хүсэлтээ УИХ-ын дарга М.Энхболдод хүргүүлээд байгаа юм.
Тэгвэл УИХ дахь МАН-ын бүлэг дөнгөж сая Б.Батзориг гишүүнийг бүрэн эрхээс нь түдгэлзүүлэх прокурорын хүсэлтийг хүлээж авах эсэх асуудлаар хуралдлаа. Хуралдааны дараа тус намын бүлгийн дарга Д.Хаянхярваа болон УИХ-ын гишүүн Ш.Раднаасэд нар мэдээлэл хийлээ. Тэд мэдээллийнхээ эхэнд Хүнс, хөдөө аж ахуй, хөнгөн үйлдвэрийн сайд асан Б.Батзоригтой холбоотой прокрурорын хүсэлтийг хүлээж авахаас татгалзсан гэдгээ хэллээ.
Энэ талаар УИХ-ын гишүүн Ш.Раднаасэд "Прокуророос УИХ-ын гишүүн Б.Батзоригийг яллагдагчаар татаж, эрүүгийн хэрэг үүсгэн гишүүний бүрэн эрхийг нь түдгэлзүүлэх саналаа УИХ-д оруулж ирсэн. Энэ процессын дагуу Халдашгүй байдлын дэд хороо, Хууль зүйн байнгын хороо, Чуулганаар энэ асуудлыг хэлэлцэнэ. Санал хураалт нууцаар явагдах дэгтэй. Б.Батзориг сайдын хувьд өөрийнх нь эрхлэх асуудлын хүрээнд хамаардаг Жижиг, дунд үйлдвэрийг хөгжүүлэх сангийн асуудалтай холбогдуулан ёс зүйн хариуцлагаа хүлээж, сайдын үүрэгт ажлаасаа өөрийн хүсэлтээр чөлөөлөгдсөн. Энэ гэмт хэргийг шалгах процесстой холбогдуулан өөрөө цааргалсан, татгалзсан, хориглосон үйлдэл байхгүй. Тиймээс заавал түдгэлзүүлж шалгах шаардлага байхгүй гэж үзлээ" гэв.
Б.ЭРХЭС
Сэтгэгдэл ( 8 )
zeel ogson ni buruu bishee l gej baigaa yum baina l daa
Eejeesee uichlalt guij baisan n uuriih n humuujil yos zui mun bol sanalaaraa bas ahiad gishuuneesee tatgalzchih, busad modon tolgoitnuudad jishee bolog. Er zorigii chin harj baiya
хариуцлага гэж байхгүй юу
Том юмаа ман том юм хар хараалыг хар үнс болтол нь гүйлгэхгүй бол ман болохгүй нээ
Гишүүнээсээ татгалзах өргөдөлөө өгөөч.
booljis hurgesen iljirsen tor
ene uildleeree MAN bulegjsen gemt heregtnuud gedegee haruulj bn, Edend ulsiin hogjil zezeglel, juramt yos hamaahui ium bn,haramsaltai ni AN ednees buur novsh
Fuuuuckkkk offf.