Узбекистан Монголоос мах авна

Узбекистан улс Монголоос мах авч, махны хомсдолын асуудлаа шийдэх гэнэ. “Podrobno.uz” сайтад бичсэнээр тус улсад Монголоос мах авах, тээвэрлэхэд улсаас бүхий л тусламжийг үзүүлэх болжээ.

Монголд хүнсний ногоо, жимс нийлүүлж, мах авахад агаарын болон бусад тээврийн хэрэгсэл ашиглана. Үндэсний "Узбекистон хаво йуллари" нисэх компанид тээврийн асуудлыг хариуцуулсан байна. Харин махны импортыг “Brand Investment Group Agro”, “Tashkent Trade Center”, “Baraka Holding” гэсэн гурван компани хийхээр болжээ.