Урт наслалтын нууц ургамлын гаралтай карри Монголд

“Абико “ ХХК нь Япон Улсын эрүүл мэндийн шаардлага хангасан, чанартай бүтээгдэхүүнүүдийг нийлүүлдэг албан ёсны дистрибьютер компани юм. Тус компани нь 2012 оноос KAGOME, PIGEON , GOON  брэндийг Монголчууддаа анхлан нэвтрүүлснээр маш олон хэрэглэгчтэй болж, амжилттайгаар үйл ажиллагаагаа явуулж байгаа билээ.

Япон улсад хоолны амтлагч бүтээгдэхүүнээрээ борлуулалтаараа №1 эрэмбэлэгддэг S&B брэндийн бүтээгдэхүүнийг Монголд нэвтрүүлэх албан ёсны борлуулагч компани нь болж, үүнтэй холбогдуулан 2019 оны 7 сарын 30 өдөр “S&B” брэнд бүтээгдэхүүний албан ёсны нээлтийн Япон хоолны өдөрлөгийг”Торихеро“ресторантай хамтран амжилтай зохион байгууллаа.

S&B брэнд нь Япон Улсдаа 96 жилийн түүхтэй бөгөөд анх 1923 онд байгуулагдаж, хоол хүнсний бүтээгдэхүүний үйлдвэрлэл болон борлуулалтыг тасралтгүй хийж иржээ. Хамгийн анх нунтаг карри , васабиг үйлдвэрлэж эхэлснээр маш олон төрлийн хоол амтлагч, хүнсний бүтээгдэхүүнийг дэлхийн зах зээлд нийлүүлж, өдгөө Америкийн нэгдсэн улс, Солонгос, Гонгконг, Канад, Их Британи, Австрали гэх мэт нийт 75 улс оронд сүлжээ дэлгүүрээр борлуулж байна. Мөн түүнчлэн Япон хоолны соёлыг дэлгэрүүлэх сургалт, хоолны өдөрлөгийг байнга зохион байгуулдаг бөгөөд S&B брэндийн бүтээгдэхүүнээр хэрхэн амттай хоол хийх талаар танилцуулга хийдэг.

S&B брэндийн Карри бол Япондоо хамгийн алдартай бөгөөд Япон хүмүүсийн хоолондоо хэрэглэх дуртай бүтээгдэхүүний нэг юм. Карринд нийт 17 төрлийн халуун ногооны ургамал ашигладаг ба өнгө, үнэр, амтаараа бусдаас ялгардаг,  эрүүл , байгальд ээлтэй , чанарын стандартыг дээд зэргээр хангасан бүтээгдэхүүн юм. Карри хийж идсэнээр махнаас кальци, уураг, хүнсний ногооноос амин дэм, карри амтлагчаас олон төрлийн шим тэжээл, эрдэс бодисоо авах боломжтой байдаг тул Япон хүмүүс гэр бүлээрээ хамтдаа хийж, амтархан идэх дуртай байдаг.

Мөн S&B брэндийн бусад амтлагчууд хоолыг гайхалтай амттай болгодгоороо алдартай. Жишээ нь Васаби, хар улаан перец, Ра Юү сармистай тос, Мисо шөл гэх мэт. Васаби бол цэвэр усанд ургадаг ховор ургамлаар хийдэг, сашими, сүши, шарсан мах, шорлог зэрэг хоолонд  хамгийн тохиромжтой.

“S&B” брэнд бүтээгдэхүүний албан ёсны нээлтийн өдөрлөгт “S&B” брэндийн Олон улсын борлуулалтын менежер Мицутерү Яамагүчи өөрийн биеэр хүрэлцэн ирж оролцсон бөгөөд “Монголд судалгаа хийгээд явж байхад Монголчууд өдөр тутмын хоолондоо мах түлхүү хэрэглэх дуртай, мөн хүнсний ногооноос төмс, лууван, сонгино түлхүү хэрэглэдэг учир карри хамгийн тохиромжтой юм байна гэдгийг олж мэдсэн. Хүний ходоод гэдэг хогийн сав биш. Урт наслах, эрүүл чийрэг байхын тулд идэж байгаа хоол хүнсээ маш зөв сонгох хэрэгтэй. Манай бүтээгдэхүүнд маш олон төрлийн амин дэм, эрдэс бодис орсон тул дэлхийн сая сая хэрэглэгчийн дуртай бүтээгдэхүүн болсон. Монголын ард түмэнд энэхүү гайхалтай бүтээгдэхүүнүүдийг танилцуулж байгаадаа маш их баярлаж байна” гэж бахархан хэлж байлаа.

“Абико”ХХК нь “S&B” брэндийн нийт 21 төрлийн бүтээгдэхүүнийг өөрийн нэрийн дэлгүүр, супермаркетуудаар борлуулж эхэлсэнтэй холбогдуулан албан ёсны нээлтийн өдөрлөг дээр “Торихиро” рестораны чадварлаг тогоочидтой хамтарч карригаар амталсан шинэ тусгай хоолны цэсээ танилцуулж, амталгаа хийсэн билээ. Өдөрлөгт уригдан ирсэн зочид бүх хоолнуудтай танилцаж, амтархан идэж байсан бөгөөд бие биетэйгээ танилцаж, ажил хэргийн холбоо тогтоох, талархсан сэтгэлээ илэрхийлэх сайхан боломж байлаа. Карригийн арааны шүлс асгаруулсан өвөрмөц содон үнэр ханхийж, хоолны урлагтай танилцан гайхан биширсэн олны дуу шуугианыг зүсэн очиж  “Абико” компаний Гүйцэтгэх захирал хатагтай Ц.Ууганцэцэгийн сэтгэгдлийг нь сонслоо.

“Манай компани бол эрүүлийг эрхэмлэж, эрүүл мэндтэй холбоотой бүхнийг дэмждэг компани юм. Монголын бүх хүмүүсийг  эрүүл хоол хүнсний бүтээгдэхүүнээр  хангах нь бидний эрхэм зорилго. Дэлхийд зах зээлийн томоохон байр суурийг эзэлдэг “S&B” брэндийн Монгол дахь албан ёсны дистрибьютер болж байгаа нь маш  том нэр төрийн хэрэг юм. Та бүхэн гэртээ гэр бүлээрээ манай карри болон амтлагчуудаар хоол хийж, идэж үзээрэй. Найман настай балчраас, наян настай буурай хүртэл бүгд  амтархан идэх болно гэдэгт би итгэж байна. Гэр бүлд халуун дулаан уур амьсгал бэлэглэдэг шидтэй амтлагчуудыг бид бүхэн танилцуулж байгаадаа маш их сэтгэл өндөр байна. Баярлалаа.