Швейцарийн хөгжлийн агентлагаас Монголын бичил уурхайн нэгдсэн дээвэр холбоонд автомашин хандивлалаа
Швейцарийн хөгжлийн агентлагийн хэрэгжүүлж буй Тогтвортой бичил уурхай төсөл нь Монголын уул уурхай дахь эмх замбараагүй байдлыг өөрчилж, бичил уурхайн салбарыг төлөвшин хөгжихөд томоохон нөлөө үзүүлсэн бөгөөд Монголын бичил уурхайн нэгдсэн Дээвэр холбоотой нягт хамтран ажилладаг билээ.
Тус агентлагаас МБУНДХолбоонд Ланд Крузер 200 маркийн автомашин хандивласныг өнөөдөр гардууллаа. Энэ нь Дээвэр холбооны бичил уурхайчиддаа хүрч ажиллахад туулах чадвар бүхий өөрийн автомашинтай болох хэрэгцээ шаардлагыг олж харж, томоохон бэлэг барьсан үйл явдал байлаа. Энэ үеэр МБУНДХолбооны Тэргүүн Л.Дэлгэрбаяр “…манай холбоо Швейцарийн хөгжлийн агентлаг, Тогтвортой бичил уурхай төслийн дэмжлэгтэйгээр үүсгэн байгуулагдаж, 6 жилийн туршид та бүхний санхүүгийн болон бодлогын дэмжлэгтэйгээр ажиллаж, өнөөдрийн төвшинд хүрсэн. Цаашид энэ суурин дээрээ улам бэхжиж, үйл ажиллагаагаа өргөжүүлэн хөгжүүлж, Монголын бичил уурхайн салбарыг дэлхийд жишиг болгохоор хичээн ажиллах болно. Швейцарийн хөгжлийн агентлагаас өнөөдөр манай холбоонд бэлэглэж байгаа автомашин энэ үйл хэрэгт маань ихээхэн хувь нэмэр болох нь дамжиггүй…” хэмээн талархал илэрхийлсэн юм.
Түүнчлэн ШХА-ийн Дэд даргаар ажиллаж байгаад нутаг буцахаар болсон хатагтай Илария Далиг Монголын бичил уурхайн салбарт оруулсан хувь нэмрийг нь үнэлэн МБУНДХолбооны дээд шагнал “Хүндэт тэмдэг”-ээр шагнасныг холбооны Тэргүүн Л.Дэлгэрбаяр гардууллаа.
Холбоотой мэдээ
Сэтгэгдэл ( 1 )
Үнэндээ энэ дээвэр холбоо гэх ТББ нь бичил уурхайчдаа дэмжих биш, газрын баялгийг хууль бусаар сүйтгэж бгаа хулгайн бүлэглэлүүдтэй хамтран ажиллаж их хэмжээний хулгай лууварыг өөрсдөө хийдэг болсон байна. Үүнийг анхаарч шалгах хянах арга хэмжээ авах хэрэгтэй бгаа юм.