Хонконг: Их сургуулийн хотхоныг зэвсгийн үйлдвэр болгон ашиглаж байжээ

Хонконгийн Хятадын их сургуулийг хотхоныг “зэвсгийн үйлдвэр” болгон ашигладаг байсан байж болзошгүй гэж Хонконгийн цаглаагийн алба мэдээлжээ. Оюутнууд цагдаагийн алба хаагчдын эсрэг шатамхай бодис бүхий лонх, нум сум, жад хэрэглэж, хүчирхийллийн хамгийн аюултай хэлбэрт шилжсэн гэж онцолсон байна.

Өнгөрсөн лхагва гарагт жагсаалын үеэр 64 хүн гэмтэж бэртсэн бөгөөд хоёрынх нь биеийн байдал хүнд байгаа аж. Өнгөрсөн даваа гарагаас эхлэн Хонконгийн ихэнх гудамжинд үймээн самуун үргэлжилж байна. Лхагва гарагт хэв журам сахиулагчид гал тавьж, хаалт босгож буй жагсагчдыг тараах үүднээс хэд хэдэн удаа нулимс асгаруулах хий, даралтад ус цацжээ. Хонконгийн шинэ бүс нутаг болох Цуэн Ван хотод хар хувцас өмссөн нэгэн залуу өндрөөс унаж нас барсан байдалтай олджээ. Тэрээр жагсагчидтай холбоотой эсэх байсан талаарх мэдээлэл одоогоор гараагүй байна.

Тус онцгой бүсийн 7.5 сая хүн амын талаас дээш хувьд үйлчилдэг метроны гол гол шугам хаагдаж, хүмүүс ажилдаа явах боломжгүй болжээ.

Аюулгүй байдлын үүднээс эх газрын Хятадын оюутнууд Хонконгийг орхин гарч байна. Урьд өмнө гол төлөв орой үдэш, амралтын өдрүүдээр зохион байгуулалттай болж байсан жагсаал энэ долоо хоногт ажлын өдрүүдэд дараалсан үймэн самуун болж хувирч, жагсагчид нийтийн тээврийг үйлчилгээг бүрэн зогсоож, хотын хэмжээнд ажил хаялт зарлахад хүргэхээр зорьж байна. “Жагсагчид Хонконгийг бүрэн сүйрүүлэхийг хүсэж байна” гэж цагдаагийн хэвлэлийн төлөөлөгч Жон Цэ сэтгүүлчдэд ярьжээ.