ЭМЯ: Оношлуурт эргэлзэх хэрэггүй, үнэн зөв хийгдэж байгаа

З.Тэмлүүн | Zindaa.mn
2020 оны 02 сарын 27

Япон Улсад үйлдвэрлэгдсэн оношлуураар шинэ коронавирусын халдварыг илрүүлэх оношилгоог Монгол Улсад хийж байгаа ба өнөөдрийг хүртэл сэжиглэгдсэн 300 гаруй тохиолдолд тус оношлуурыг ашиглаж, Монгол Улсад шинэ коронавирусын халдвартай хүн гараагүй сайхан мэдээтэй байна.

Дэлхий даяар маш хурдацтай тархаж, 40 гаруй оронд халдвар тээгч илрээд байгаа энэ үед тус өвчний халдварын голомт БНХАУ-тай 4700 км хуурай газраар хиллэдэг Монгол улсад шинэ коронавирусын халдвар ороогүй гэдэгт эргэлзэж байна. Монголчууд илрүүлж чадахгүй байгаа юм биш үү гэсэн эргэлзээ иргэдийн дунд ам дамжин яригдаж байгаа нь нууц биш зүйл.

Иймд эрүүл мэндийн салбарынхан оношлуурын үр дүнг туршилтаар шалгасан байна.

Тодруулбал, амьсгалын замын цочмог халдварын 60 тохиолдолд шинэ коронавирусын оношилгоог тус багажаар давхар хийсэн байна. Ингэхдээ түүврийн аргаар шатлалын эмнэлгүүдэд эмчлүүлж байгаа хүнд, хөнгөн өвчтнүүдэд оношилгоог хийхэд шинэ коронавирусын халдвар илрээгүй байна. Тиймээс оношлуур үнэн зөв хийгдэж байна гэж ЭМ-ийн сайд Д.Сарангэрэл мэдэгдэж байна.

Эх сурвалж: Эрүүл мэндийн яам

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Ирэгсэд асуудал  (192.82.68.175)  2020 оны 02 сарын 28

Гаднаас ирэгсэд л асуудал боллоо доо. Ийм өндөр тархалтын үeд ингэж задгай байх нь байдлыг эрс муутгахвий гэж иргэд айж байна. Иргэд та бүхэн бүгдээрээ бид х ичнээн их хичээлээ дээ. Гэтэл гаднаас ирэгсдээс болоод халдвар дэгдвэл яана даа . Нислэгээ 14 хоног бүрэн зогсоовол дээр юм бишүү

1  |  0
zochin (66.181.161.119)  2020 оны 02 сарын 27

manai uls ert arga hemjee awsandaa udii zeregtei bn

0  |  0
Top