Засгийн газар, Онцгой комиссын чиглэл: Мэдээллийг нэг урсгалаар өгнө

З.Тэмлүүн | Zindaa.mn
2020 оны 03 сарын 11

Монгол Улсын Засгийн газар, Улсын Онцгой комиссын өнөөдрийн /2020.03.11/ хуралдаанаас өгсөн чиглэлийн дагуу Монгол Улсын Харилцаа холбооны зохицуулах хорооноос иргэдийг зөвхөн доор нэр дурдсан албаны эх сурвалжуудаас өгсөн үнэн бодит  мэдээллээр хангаж ажиллахыг телевиз, радио, веб сайтын үйлчилгээ эрхлэгчдэд  анхааруулж, анхааруулга хүргүүлжээ.

Тодруулбал, Монгол Улсад шинэ коронавирусын халдвар бүртгэгдсэнтэй холбоотойгоор худал, ташаа мэдээлэл олноор түгээгдэж иргэдийг бухимдуулж, төөрөгдүүлэх хандлага ажиглагдаж, түүнийг дагасан олон сөрөг асуудал үүсч болзошгүй нөхцөл байдал гарсан учир урьдчилан сэргийлэх арга хэмжээ авч ажиллахыг Засгийн газар, УОК–оос холбогдох албан тушаалтнуудад даалгасан билээ.

Улмаар зөвхөн Засгийн газрын Хэвлэл мэдээлэл, олон нийттэй  харилцах хэлтэс, Эрүүл мэндийн яамнаас Засгийн газар, УОК, ЭМЯ, ХӨСҮТ-ийн явуулж буй үйл ажиллагаа, гаргасан шийдвэрийн талаарх албаны үнэн бодит мэдээллийг иргэдэд мэдээллийн нэг урсгалаар өгч байхыг үүрэг болгосон юм.

Иймд өндөржүүлсэн бэлэн байдлын үед шинэ коронавируст халдвараас урьдчилан сэргийлэх, сэрэмжлүүлэх мэдээ, мэдээллийг өмчийн төрөл хэлбэрээс үл хамааран шуурхай үнэ төлбөргүй, цаг алдалгүй хүргэж байхыг ХХЗХ-оос телевиз радио, веб сайтын үйлчилгээ эрхлэгчид болон ард иргэдэд хандан анхааруулж, тухайн хэвлэлийн байгууллагуудад анхааруулгыг албан бичгээр хүргүүлжээ.  

Мөн ХХЗХ, ЦЕГ-ын Нийтийн Хэв журам хамгаалах, Олон нийтийн аюулгүй байдлыг хангах албанаас веб сайтын үйлчилгээ эрхлэгчдэд шинэ төрлийн коронавирусын халдвартай холбоотой мэдээ, мэдээллийг нийтлэсэн тохиолдолд уншигчдад сэтгэгдэл бичих боломжгүй тохиргоотойгоор сүлжээндээ байрлуулж, иргэд олон нийтийг төөрөгдүүлсэн, айдаст автуулсан, илт худал мэдээ мэдээлэл  тавихгүй байх, үзэн ядалт, ёс бус үг хэллэг зэргийг дэвэргэхгүй байхыг анхааруулж, тусгайлан шаардлага хүргүүлсэн байна.

Түүнчлэн жиргээ /twitter/, нүүр ном /facebook/-д олон нийтийн эрх ашигт хохирол учруулахуйц худал, хуурмаг мэдээлэл түгээсэн аливаа этгээдийг ЦЕГ, ХХЗХ хамтран илрүүлж, хуулийн дагуу хариуцлага хүлээлгэх, цаашлаад Фэйсбүүк компанийн Ази Номхон далайн бүс нутгийн төвөөр дамжуулан тус хаягийг устгаж, Монгол Улсын хуулийн дагуу тухайн этгээдэд эрүүгийн хариуцлага хүлээлгэж ажиллах юм гэж Засгийн газрын Хэвлэл мэдээлэл олон нийттэй харилцах хэлтсээс мэдээллээ. 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
irgen (31.165.215.200)  2020 оны 03 сарын 12

bas syljeenii setgegdel, busad huudas neelttei baij ard tymenteigee harizaj, eldev havitaltiin mor haihad chin nemer bolood baigaa um bishyy …!!!! sonin um

0  |  0
irgen (31.165.215.200)  2020 оны 03 сарын 12

ene bol estoi buruu arga hemjee shyydee, ter buruu zoryy medeelelee ezniig ni olj shiitgene l bizdee.\nnaadhaas chin bolj byh hynii busad medeelliin sanal bolood eldev medeelel holboo haagdah estoi umuu?! ene bol buruu gej yzej baina

0  |  0
иргэн (202.9.46.127)  2020 оны 03 сарын 11

ТА НАРЫН ӨГӨЖ БАЙГАА ТОО ХООРОНДОО ДАНДАА ЗӨРӨӨД БАЙНА , ФРАНЦЫН ИРГЭНТЭЙ ЦУГ 123 ХҮН ИРСЭН ГЭСЭН , 118 ХҮНИЙ ШИНЖИЛГЭЭНИЙ ХАРИУ СӨРӨГ ГАРСАН , БУСАД НЬ ЯАСАН ЮМ БЭЭ , БАС ТЭР ХҮНТЭЙ 1 - Р ЗЭРГИЙН ХАВЬТАЛТАНД ОРСОН 350 ГАРАН ХҮН БАЙГАА ГЭСАН МЭДЭЭЛЭЛ ӨГСӨН , ТЭДГЭЭР ХҮМҮҮСИЙГ БҮГДИЙГ НЬ ТУСГААРЛАСАН ЮМ УУ , МЭДЭЭЛЭЛЭЭ ЯГ ТАГ ӨГӨХГҮЙ БОЛ ЭНД ТЭНДЭЭС ХАЙЦГААГААД ХУДАЛ ҮНЭН МЭДЭЭ ТАРААЦГААГААД БАЙНА ШҮҮ

1  |  0
Top