ӨГЛӨӨНИЙ МЭНД!

2020 оны 03 сарын 27

Өнөөдөр 2020.03.27. Энэ оны 86 дахь өдөр бол он дуусахад 280 хоног үлдээд байна. Монгол эх оронд маань нар 06 цаг 40 минутад мандлаа. 19 цаг 15 минутад жаргана.

Улаанбаатарт багавтар үүлтэй. Өдөртөө 1 хэм, шөнөдөө -15 хэмийн хүйтэн. Та хувцсаа тохируулж өмсөөд гараарай.

Өнөөдөр Олон улсын театрын өдөр тохиож байна. Мөн Олон улсын вискиний өдөр. Мьянмарт өнөөдөр Зэвсэгт хүчний өдөр, Анголад Ялалтын баяр, ОХУ-д Оросын үндэсний гвардын дайчдын өдөр, Японд Сакура цэцэглэх баярын өдөр тохиож байна.

Өнөөдөр Америкийн алдарт жүжигчин, найруулагч Квентин Тарантино, тус улсын бүх цаг үеийн шилдэг 100 дуучны нэг Мерайя Кери, Германы алдарт хаалгач Мануэл Нойер, дуучин, жүжигчин Ферги, Испанийн хөл бөмбөгч Марк Муниеса нарын төрсөн өдөр.

Энэ өдөр дэлхийн түүхэнд болсон онцлох үйл явдлуудаас дурдвал:

1958 - ЗХУ-ын Сайд нарын зөвлөлийн даргаар Никита Хрушев томилогджээ.

1975 - Аляскийг дундуур нь холбосон байгалийн хийн хоолойг барьж эхлэв.

1981 - Польшийн хөдөлмөрчид ажлын цагийг багасгах шаардлага тавьж нэгдмэл хөдөлгөөн өрнөжээ. Жагсаалд 12 сая польш иргэн оролцсон байна.

1993 оны энэ өдөр БНХАУ-ын даргын суудалд Жианг Земин суужээ.

1998 оны энэ өдөр АНУ-ын Хүнс болон эмийн хяналтын хороо бэлгийн сулралтай эрчүүдийг виагра эм уухыг хүлээн зөвшөөрсөн байна.

Энэ өдөр үс засуулбал эд мал баялаг төгөлдөр болно гэж дорнын зурхайд өгүүлжээ. Өнөөдөр үхэр, тахиа жилтнүүд аливаа үйлийг хийхэд эерэг сайн. Харин бар, туулай жилтнүүд аливаа үйлд хянамгай хандаарай. Өдрийн сайн цаг нь үхэр, луу, морь, хонь, нохой, гахай.

Энэ өдөр угаал үйлдэх, газар, лусын зан үйл, өр барагдуулах, буг дарах, газрын ам бооход сайн. Харин архи уух, тамхи татах, сэтгэл муутантай нөхөрлөх, ургаа мод таслах, байшингийн суурь тавихад тохиромжгүй. Хол газар явах бол баруун зүгт мөрөө гаргаад аян замдаа гараарай. Таны аяны болон амьдралын ганзага үргэлж дүүрэн байг.

Өнөөдрийн ажил үйлст тань амжилт хүсье.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top