Зөөврийн хайрцгаар 20 мянга орчим хүн саналаа өгчээ

УИХ-ын 2020 оны ээлжит сонгуулийн санал хураалт өнөөдөр 07:00 цагт орон даяар зэрэг эхэлсэн билээ. Сонгуулийн ерөнхий хорооноос өгсөн мэдээллээр 12:00 цагийн байдлаар сонгогчдын ирц улсын хэмжээнд 25.13 хувьтай байсан.

Тэгвэл тус хорооноос соногчдын ирцийн мэдээллийг 17:00 цагийн байдлаар хүргэж байна.

Хэвлэлийн бага хуралд Сонгуулийн ерөнхий хорооны гишүүн, Улсын бүртгэлийн ерөнхий газрын дарга Б.Баасандорж нар өглөө. Тэрбээр "Үерлэсэн гол усаар дөрвөн аймгийн 376 иргэний аюулгүй байдлыг хангаж ажилласан. Нийт 2.6 сая сонгогч бий. Тэдний 52 хувь нь эмэгтэй, үлдсэн нь эрэгтэй сонгогчид байна. Өнөөдөр 18 насанд хүрч, сонгогчдын нэрсийн жагсаалтад орсон 130 иргэн байна. Тэд өнөөдөр сонгуулиа өгч байна гэсэн үг. Хамгийн олон хэсэгтэй аймаг бол Хөвсгөл, нийт 129 хэсэгтэй. Улсын хэмжээнд 52.6 хувьтай сонгуулийн үйл ажиллагаа явагдаж байна" гэж мэдээллийнхээ эхэнд хэллээ.