Н.Тэмүүлэн: Д.Эрдэнэбилэгийг яллагдагчаар татаж, цагдан хорих санал хүргүүлсэн

Б.Гантуяа | Zindaa.mn
2022 оны 04 сарын 20

Худалдаа хөгжлийн банкны ТУЗ-ын дарга Д.Эрдэнэбилэгийг яллагдагчаар татан шалгаж, цагдан хорих таслан сэргийлэх хүсэлтийг шүүхэд хүргүүлээд байна. 

Энэ талаар АТГ-ын Хэвлэл мэдээлэл, олон нийттэй харилцах ажилтан, комиссар Н.Тэмүүлэнгээс тодрууллаа. 

-Худалдаа хөгжлийн банкны ТУЗ-ын дарга Д.Эрдэнэбилэгийг Авлигатай тэмцэх газраас шалгаж эхэлсэн. Ямар үндэслэлээр шалгаж байгаа вэ?

-Худалдаа хөгжлийн банкны ТУЗ-ын дарга Д.Эрдэнэбилэгт холбогдох хэргийг авлигатай тэмцэх газрын мөрдөн шалгах хэсэгт шалгаж байгаа. Түүнд эрүүгийн хэрэгт үүсгэж, яллагдагчаар татан шалгалтын ажиллагааг хийж байна. Түүний хамааралтай тодорхой обьектуудад нэгжлэг хийх мөрдөн шалгах ажиллагаанууд явуулсан. Ингээд эрүүгийн хэргийг хянан шийдвэрлэх тухай хуулийн 14.9 дүгээр зүйлийн 1.3 дахь хэсэгт заасны дагуу гэмт хэрэг үйлдсэн байж болзошгүй талаар үндэслэл бүхий баримт, мэдээлэл илэрсэн учраас түүнийг цагдан хорих, таслан сэргийлэх арга хэмжээг авах саналыг Авлигатай тэмцэх газраас прокурорын байгууллагад хүргүүлсэн. 

-Д.Эрдэнэбилэгийг хэдий хугацаанд цагдан хорих вэ?

-Хэрэгт холбогдсон тухайн иргэнийг цагдан хорих, таслан сэргийлэх арга хэмжээ авах саналыг прокурорын байгууллагад хүргүүлнэ.

Прокурорын байгууллага саналыг боломжит хурдан хугацаанд хүлээж авч, шүүхийн байгууллагаар шийдвэрлүүлэхээр хүргүүлдэг. Ингээд хэргийн холбогдогчийн цагдан хорих, таслан сэргийлэх арга хэмжээг авах эсэхийг шүүхийн байгууллага шийднэ гэсэн үг. 

-Д.Эрдэнэбилэгийн хамаарал бүхий Худалдаа хөгжлийн банкны байр болон гэрт нь нэгжлэг, шалгалтыг хийсэн. Үүнтэй холбогдуулан олон нийтийн мэдээллийн хэрэгслээр түүнтэй холбоотой баримтыг устгахыг завдсан гэсэн мэдээлэл гарч байна. Энэ үнэн үү?

-Шалгаж байгаа үндэслэлийн талаар нарийн мэдээлэл өгөх боломжгүй байна. Мөрдөгч хуульд заасны дагуу хэрэгт хамаарал, ач холбогдолтой баримт байгаа гэж үзсэн тохиолдолд прокурорын зөвшөөрлийн хүрээнд нэгжлэг хийх, мөрдөн шалгах ажиллагааг явуулдаг. 

Сэтгэгдэл ( 7 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Doogii(172.58.75.79) 2022 оны 04 сарын 21

Ene nuhur huurhii utsan huuheldei. Ard ni MANAN mafia asaalttai baij baina. Ta nar yaj ch chadahgui chatsaga tsarailaad hooson hotsorno.

0  |  0
Doogii(172.58.75.79) 2022 оны 04 сарын 21

Ene nuhur huurhii utsan huuheldei. Ard ni MANAN mafia asaalttai baij baina. Ta nar yaj ch chadahgui chatsaga tsarailaad hooson hotsorno.

0  |  0
Shar tokhoi (178.209.131.155) 2022 оны 04 сарын 21

Mongoliin 1 nomeriin mapiin tolgoilogch tiim amarhan barigdaj yal avah uu.Ene hvn hogiig changa baitsaah uym bol mash olon tonuulchid barigdah bolno bas mash aguu tom aalzanii shvleh zadrah bolno.Mongoliig numursun aalzanii toriin etsen en gahaidaa.

1  |  0
зочин (202.9.46.59) 2022 оны 04 сарын 21

хамсаатнууд нь хамгаалаад хэрэгсэхгүй болгочихно оо гэж бодож байна

1  |  0
.(192.82.75.136) 2022 оны 04 сарын 20

Хөөрхий одоо угаадасыг нь долоосон гөлөгнүүд нь шээс алдаж чацага харваж байгаа даа, боссоо суллахын тулд амиа өгөхөөс буцахгүй

1  |  0
Хнн(59.153.114.130) 2022 оны 04 сарын 21

Барах уу

2  |  0
Хаха(150.129.143.182) 2022 оны 04 сарын 21

Чадах уу юу л бол?

2  |  0
Top