Т.Доржханд: Үндсэн хуулийг өөрчлөх хүсэлтэй 100 мянган хүн гарын үсэг зурсан

Н.Баавгай | Zindaa.mn
2022 оны 05 сарын 12

УИХ-ын гишүүн Т.Доржханд мэдээлэл хийлээ.

Тэрбээр Үндсэн хуульд нэмэлт, өөрчлөлт оруулахыг дэмжсэн иргэдийн гарын үсгийг УИХ-ын даргад хүлээлгэн өгсөн аж.

Тэрбээр "Өнгөрсөн долоо хоногт бид талбай дээр гарч, иргэдтэйгээ хамтарч "Өөрсдөө өөрчил, үгүй бол тар" уриатай тогтолцоог өөрчлөх шаардлагыг тавьсан. УИХ-ын зүгээс бидний шаардлагыг хүлээн авч таван хоногийн хугацаа өгсөн. Энэ хугацаанд бид 21 аймаг, есөн дүүргийн иргэдтэй уулзаж, яагаад сонгуулийн системийг өөрчилж холимог тогтолцоотой болох ёстой юм бэ гэдгийг ярилцлаа. Үр дүнд нь иргэд тогтолцоог өөрчлөхийг дэмжиж байна. 

Өнөөдрийн байдлаар буюу долоо хоногийн хугацаанд 100 мянга гаруй гарын үсэг цуглаад байна. Гадаад суугаа Монголчуудын зүгээс цахимаар гарын үсгээ илгээж байна. Одоогийн байдлаар цахимаар 3,000 гаруй гарын үсэг цуглаад байна. Бид эдгээр гарын үсгийг УИХ-ын даргад хүлээлгэн өглөө. 

Гарын үсгээ зурсан иргэд Үндсэн хуулийн тогтолцоог яаралтай өөрчлөхийг дэмжиж байна. Зарим иргэд яагаад тогтолцоог өөрчлөх шаардлагатайг ойлгохгүй, мэдээлэлгүй байна. Мэдээлэл өгөхөөр бүгд дэмжиж байна. Энэ өөрчлөлтийг өнөөдөр л хийхгүй бол болохгүй гэдгийг иргэд ойлгож байгаа. 

Тогтолцооны өөрчлөлтөөр Засгийн газрын цомхон болгоё, гаднын хөрөнгө оруулалтыг татъя, төсвийн 76 тал руу хуваахгүй эдийн засагт хэрэгтэй бүтээн байгуулалт хийдаг болъё, УИХ нь бодлого ярьдаг байя гэдгийг иргэд дэмжиж байна. 

УИХ-ын даргын зүгээс иргэдийн гарын үсгийг маш хүндэтгэлтэйгээр хүлээн авсан. Бид УИХ-ын даргатай хуулийн дагуу улс орныхоо тулгамдсан асуудлууд болон сонгуулийн тогтолцоог шийдээд явъя гэдэг дээр санал нэгдсэн. 

Мөн бид таван хоногийн өмнө УИХ-ын даргад шаардлага хүргүүлсэн. Уг шаардлагын хариуг маргаашийн Төрийн байгуулалтын байнгын хороогоор дамжуулж албан ёсоор өгнө гэсэн" гэв. 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Хуцах шиг болжээ(31.164.60.105) 2022 оны 05 сарын 13

Энэ пиязда 76 хулгайч луйварчдыг тоог нь нэмэх 200 хүргэх санаархалаа хэрэгжүүлж эхэлжээ.\nИргэдийн тархийг угааж байгаад 200 дархлагдсан хулгайч луйварчинтай боох юм байна л даа...

1  |  0
ZO(139.5.216.155) 2022 оны 05 сарын 13

eNE HARVAAS HUDLAA GAR

1  |  0
Зочин(192.82.71.210) 2022 оны 05 сарын 13

Тогтолцоо өөрчилнө ч гэх шиг худал тархи угаалтаар далимдуулж УИХ-ын гишүүдийн тоог 200 болгохыг монголчууд дэмжихгүй. Тэр жил наад яриад байгаа холимог тогтолцоогоор чинь намын жагсаалт нэрийн дор хэдэн төгцөгүүд шууд гишүүн болоод яаж жонхуурсныг бид мартаагүй. Халтар новш зайлөө.

1  |  0
Top