Жүжигчин Кан Су Ра төрснийхөө дараа 20 кг жин хассан нууцаас хуваалцав

Жүжигчин Кан Су Ра 2021 оны дөрөвдүгээр сарын 14-нд анхны хүүхдээ өлгийдөн авсан билээ. Үүнээс хойш кино урлагаас хөндийрөөд байсан тэрээр хоёрдугаар сарын 23-нд нээлтээ хийсэн "Strangers again" хэмээх кинонд дүр бүтээжээ. 

Тэрээр саяхан өгсөн ярилцлагадаа төрснийхөө дараа ажилдаа орохын тулд 20кг жин хассан тухайгаа болон хүүхдийнхээ тухай дурджээ. Энэ тухай тэрээр "Би үүнийг өмнө нь олон удаа хуваалцаж байсан. Ямар ч шинэ зүйл байхгүй. Үүнийг хүн бүхэн мэднэ. Дасгал хийж, эрүүл хооллох. 

Олон хүмүүс миний хооллолтын тухай асуудаг ч үүнд онцгой зүйл байхгүй. Би зүгээр л уйгагүй байсан. Ажилдаа орохыг үнэхээр их хүсдэг байсан учраас эдгээрийг хичээнгүйлэн хийсэн. Би ихэвчлэн пилатес болон биеийн жингээ ашиглан хийдэг дасгалууд хийдэг байсан. 

Миний хувьд сайн, сайхан амьдрах нь хүүхдэд минь тустай гэж боддог. Үр дүн нь чухал биш байсан ч хамаагүй хүүхдэдээ шаргуу хөдөлмөрлөж байгаагаа харуулах нь чухал гэж боддог. Тиймээс өөрийнхөө амьдралаар хичээнгүйлэн амьдрах ёстой гэж бодсон. 

Би эргэн тойрныхоо хүмүүсээс хүүхэд асрах тал дээр маш их тусламж авсан. Зураг авалтын хуваарь долоо хоногт 4 болж өөрчлөгдсөн нь маш их тус болсон. Хүүхэд төрүүлэх нь миний амьдралд хэрэгтэй байсан өөрчлөлтүүдийн нэг гэж би боддог. Би маш хурдан үүнд дасан зохицсон. Гэрлэхээсээ өмнө эцэг, эхтэйгээ хамт амьдардаг байсан бол одоо бие даан амьдарч байгаа. Би нэг зүйл ойлгосон. Өмнө нь амьдралынхаа ихэнх хугацаанд алдартан Кан Су Рагийн хувиар өнгөрүүлсэн. Гэсэн ч амьдралд үүнээс илүү сайхан зүйлс байдгийг мэдрэхийн тулд үүнийгээ хойш тавьсан" гэжээ.