Меган Фокс сүйн бөгжөө тайлж, Оскарын үдэшлэгт ганцаар ирэв

Жүжигчин Меган Фокс сүйт залуу MGK-ээс салсан гэх дуулиан дэгдээд байгаа билээ. Тэрээр MGK-г инстаграм хуудсаар дагахаа больж, хамтдаа авахуулсан бүхий л зургаа устгасан. Мөн маргад эрдэнийн шигтгээ бүхий өвөрмөц хийцлэлтэй сүйн бөгжөө тайлсан тэрээр Оскарын дараах үдэшлэгт ганцаар иржээ. 

Тэрээр Miss Sohee-ийн гоёмсог даашинз болон Mouwad брэндийн үнэт эдлэлээр гоёжээ. Үдэшлэг дээр гурван эмэгтэй найз болон жүжигчин Ноа Сентинео нартай ихэд ойр байсан тухай эх сурвалжууд дурдсан байна.

Меган Фокс өдөр бүр хосын харилцааны тал дээр зөвлөгөө авч, сэтгэл зүйчтэй уулздаг гэнэ. Энэ нь түүнд харилцаагаа цэгцлэхэд тус болж, шийдвэрээ гаргахад нь чухал нөлөө үзүүлэх аж. 

Нэгэн эх сурвалж тэднийг хамт хосын сэтгэл зүйч дээр явж байгаа тухай мэдээлсэн бөгөөд Холливудын хамгийн хачирхалтай хийгээд халуухан хосоор нэрлэгддэг тэдний харилцаа одоог хүртэл олны анхаарлын төвд байна.