Хён Биний агентлаг Сун Еэ Жинээс салж байгаа гэх асуудалд хариулт өгөв

Жүжигчин Хён Биний агентлаг түүнийг эхнэр Сун Еэ Жинээс салж байгаа гэх цуурхалд хариулт өгчээ. 

Өнгөрсөн долоо хоногт нэгэн Юүтүб суваг "Хосуудыг ирэх дөрөвдүгээр сард хоёр тийш болно" хэмээн мэдээлсэн бөгөөд мөрийтэй тоглоом, хувьцаанаас үүдэн салахаар төлөвлөж байгаа тухай дурджээ. 

Уг бичлэгт "Хён Бин хувьцааны хөрөнгө оруулалтаар 3 тэрбум вон алдснаас гадна мөрийтэй тоглоомын өрөнд оржээ. Сун Еэ Жин үүнийг удаан тэвцсэн ч эцэст нь салах хүсэлтэй байгаагаа илэхийлжээ" хэмээсэн байх аж. 

Энэхүү хачирхалтай цуурхалд жүжигчин Хён Биний агентлаг хариу өглөө.

Агентлагаас гаргасан мэдэгдэлд "Энэ инээдтэй видеон дээрх зүйл бүгд ор үндэсгүй зүйл. Бид хуурамч мэдээллийг үргэлж хянадаг. Үүнийг ч мөн мэдсэн. Нэгэнт худал учраас дотооддоо яаж шийдэх талаараа ярилцаж байлаа. Худал гэдгийг мэдээлэхээр бэлдэж байсан. Бид тус сайттай хамтран уг мэдээллийг буулгах талаар ярилцаж, арга хэмжээ авахаар болсон. Цаашид нөхцөл байдалд хяналт тавьж, шаардлагатай тохиолдолд арга хэмжээ авах болно" гэжээ. 

Тус Юүтүб суваг нь алдартнуудын тухай худал түүх зохиодгоороо алдартай. Саяхан болж өндөрлөсөн Оскарын шагнал гардуулах ёслолын үеэр хөтлөгч Жимми Киммел мөрийтэй тоглоом тоглоход царайлаг байх эсэх нь хамаагүй гэх зэргээр хошигносон бөгөөд уг хэсгийг тасдан авч, Хён Биний нэрийг оролцуулснаар уг цуурхал дэгджээ.