"Ladies Only" лэбел хоёр дахь артистаа танилцууллаа

Ж.Сондор | Zindaa.mn
2023 оны 04 сарын 05

Монголын хип хоп ертөнцөд дан эмэгтэйчүүдээс бүрдсэн "Ladies Оnly" хэмээх цоо шинэ лэбел үүсгэн байгуулагдаад байгаа билээ. Тус лэбелийн уран бүтээлчдийн салхийг хагалж артист Babynna "Finally" хэмээх дууны клипээ өнгөрөгч нэгдүгээр сард цацсан. Шинэ уур амьсгал мэдрүүлсэн тус уран бүтээл сонсогчдоос өндөр үнэлгээ авч, юүтүб хуудаснаа хэдийнэ 800.000 гаруй хандалт авчээ. 

Тус лэбел өчигдөр буюу 2023.04.04-нд хоёр дахь артистаа танилцууллаа. Deep house, soul r&b чиглэлээр уран бүтээл туурвидаг артист MVCHI-ийн "Let me down" хэмээх цоо шинэ дуу танд хөгжмийн эрх чөлөөг мэдрүүлэх болно. 

MVCHI буюу Ч.Мөнхжин 2001 онд төржээ. "Ladies Оnly" лэбелтэй 2023 оноос эхлэн хамтран ажиллаж эхэлсэн тэрээр 2021 оноос эхлэн уран бүтээл туурвиж эхэлжээ. 2021-2022 оны хооронд ганцаарчилсан уран бүтээл 5, хамтарсан уран бүтээл 3-г гаргасан MVCHI ийнхүү "Ladies Оnly" лэбелийн хоёр дахь уран бүтээлчээр нэрлэгдлээ. 

 

Facebook- Mvchi 

Instagram- Mvchi_ch 

 

 

 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
love (202.126.89.208)  2023 оны 04 сарын 05

goe uran buteelch shuu bayar hurgie

1  |  0
Top