BTS хамтлагийн V-д гэрлэх санал тавьсан эмэгтэйд 3 жилийн ЯЛ ОНООНО

BTS хамтлагийн V-г мөшгиж байсан нь тогтоогдсон эмэгтэйг цагдаа нар мөрдөн байцаалтад дууджээ. 

Сөүл хотын Ганнам дүүргийн цагдаагийн хэлтсээс арваннэгдүгээр сарын 17-нд Бусдыг мөрдөн мөшгөхтэй тэмцэх хуулийг зөрчиж, бусдын гэрт хууль бусаар нэвтэрсэн байж болзошгүй 20 гаруй насны эмэгтэйг цагдан хорихгүйгээр байцааж эхэлснээ мэдэгджээ. 

Сэжигтэн аравдугаар сарын 28-ний өдрийн 18:30 цагийн үед BTS хамтлагийн гишүүн V-г мөшгин, хамт лифтэд суун биед нь ойртон, ярилцахыг завдаж, гэрлэлтийн бүртгэлийн хуудас хүртэл өгчээ. Үүний дараа эмэгтэй хэргийн газрыг орхин явсан бөгөөд хамгаалалтын ажилтан уг хэргийн тухай цагдаагийн газар мэдээлжээ. 

Мөрдөн байцаалтын явцад сэжигтний талаар хачирхалтай зүйлс ил болжээ. Тэрээр V-ийн байранд өмнө нь хэд хэдэн удаа очиж байсан нь тогтоогджээ. Цагдаа нар сэжигтэнд дуучин V-д 100 метрээс дотогш ойртохгүй байх, мессеж болон утсаар ярихыг хориглох арга хэмжээг яаралтай авсан байна. 

Сэжигтэн бүсгүйг гэм буруутай гэж үзвэл Өмнөд Солонгосын бусдыг мөрдөн мөшгихтэй тэмцэх хуулийн шинэчилсэн найруулгын дагуу 3 хүртэлх жилээр хорих, эсвэл 30 хүртэлх сая вонын торгуулийн арга хэмжээ авах ажээ.