Б.Үүрцайх ТИВИЙН ДЭЭД амжилтыг шинэчлэн тогтоолоо

Монголын пауэрлифтингийн нэгдсэн холбоо, "Ривер" клубын тамирчин Спортын мастер Б.Үүрцайх энэ оны арванхоёрдугаар сарын 11-18-ны өдрүүдэд Малайз улсын "Johar-Bahry" хотод зохион байгуулагдсан Классик Пауэрлифтингийн Ази тивийн аварга шалгаруулах тэмцээнд 120 кг-ийн жинд "Мастер-2" ангилалд амжилттай оролцож алтан медаль хүртлээ.

Тэрбээр, хэвтээ шахалтын төрөлд 192,5 кг, нийлбэр дүнгээр 660 кг-ын амжилт үзүүлж өөрийн ангилалдаа Ази тивийн дээд амжилтыг хоёр төрөлд шинэчлэн тогтоосон амжилт үзүүлсэн байна.

Б.Үүрцайх нь Канадын Saint Jones хотод зохион байгуулагдсан Мастерын ДАШТ-нд "М1" ангилалд хувцас хэрэглэлтэй төрөлд нийлбэр дүнгээр рүрэл медаль, ӨАБНУ-ын Sun city хотод зохион байгуулагдсан хэвтээ шахалтын ДАШТ-ээс мөнгөн медаль, ази тивийн хэвтээ шахалтын Аварга шалгаруулах тэмцээнээс Алтан медаль авч байсан туршлагатай тамирчин юм.