“Sound of kiss”-ийн Мино алтны магнаттай дэр нийлүүлэв

Охидын “Sound of kiss” хамтлагийн хамгийн царайлаг нь болох Мино буюу Номин хамтлагаасаа нэлээд хэл амтай гарч одсон. Залуусын нүдийг хужирладаг ганц охиноо тавиад туучихсан хамтлагийнхан нь ч шаралхсандаа “ажил ярьсан бизнесменүүдтэй явалдсан учраас бид Миног хөөсөн” гэдэг мэдэгдлийг удаа дараа хийсэн билээ. Тун удахгүй Мино ч хамтран зүтгэж явсан охидынхоо яриаг гэрчлэх гэсэн мэт “Toyota Infinity” хөлөглөсөн юм. Байдал бүр даамжирч, Мино “Sound of kiss”-ийн шаргал үст охидод анхны ивээн тэтгэлгэ үзүүлсэн Бямбасүрэн гэгч алтны бизнесмен залуутай ханилжээ. Тэрээр Мянганбаярт Өвөрхангайн Бөөрөлжүүтийн амыг зарсан гэж яригддаг. Хоёр хүүхэдтэй эхнэрээсээ салсан түүнийг “Киви”-гийн Намуунаатай ч нэг хэсэг “найзалж” амжсаныг эх сурвалж мэдээллээ. Бямбасүрэн Миногоос нэлээд олон насаар ах юм байна.
Н.Бэрх zindaa.mn