Коллежийн оюутнууд СХЗГ-ын хэмжил зүйн хүрээлэнгийн эталоны лабораториудтай танилцлаа

Стандарттай Монгол аяны хүрээнд Налайх дүүргийн Политехник коллежийн оюутнууд өнөөдөр /2024.03.07/ Стандарт, хэмжил зүйн газрын хэмжил зүйн хүрээлэнгийн эталоны лабораториудтай танилцлаа.

Тодруулбал, уртын эталоны лаборатори, масс, цахилгаан, цаг, давтамжийн эталоны лабораториудтай танилцан мэдээлэл авч, сонирхсон асуултдаа хариулт авлаа.

Энэ үеэр СХЗГ-ын Хэмжил зүйн хүрээлэнгийн дарга Д.Дамбасүрэн байгууллагын үүсэл хөгжил, эталон лабораториудын үйл ажиллагаа, цаашдын зорилтын талаар мэдээлэл өгсөн юм.

Оюутнууд "Онолоор л сонсдог байсан тоног төхөөрөмжүүдийг хэрхэн ажилладаг, лаборатори ямар үйл ажиллагаа явуулдаг талаар мэдээлэл авлаа. Стандарт, хэмжил зүй, эталоны лабораторийн талаар маш сайн мэдээлэлтэй боллоо" гэсэн юм.