Европын байгалийн хийн хамгийн том орд хаагдав

Холланд өвчин буюу баялгийн хараал төдийгүй экологийн гамшгийн бэлэг тэмдэг болсон Гронингены уурхай бүр мөсөн хаагджээ. Өрөмдлөгөөс болон энд байнга газар хөдлөлт болдог.

Нидерланд улс Европын байгалийн хийн хамгийн том ордод өрөмдлийг ажлыг албан ёсоор зогсоолоо. 1959 онд тус ордыг нээснээс хойш тус улсын орлогын гол эх үүсвэрүүдийн нэг болжээ. Уул уурхайн салбарын бүүмд сөрөг тал ч байв. Орж ирсэн гадаад валютыг зөвхөн байгалийн хийн салбарт цутгаж, эдийн засгийн бусад салбар хөгжсөнгүй. Үүний улмаас 1970-аад оны хоёрдугаар хагаст аж үйлдвэрийн салбар уналтад орж, олон ажлын байр үгүй болж, инфляц өсжээ. Тус улс энэхүү алдаатай стратегийн эдийн засгийн үр дагаврыг даван туулж чадсан ч экологитой холбоотой асуудал нээлттэй үлджээ.

Цаг хугацааны явцад өрөмдлөгийн улмаас энэ бүс нутагт газар хөдлөлт тасралтгүй болж байгааг тогтоосон байна. 2012 онд Гронингенд 3.6 магнитудын хүчтэй газар хөдөлсөн нь бүс нутгийн түүхэн дэх хамгийн хүчтэй гамшиг болов. 1986 оноос нийт 1600 орчим газар хөдлөлт бүртгэгдэж, олон арван мянган барилга, байшин эвдэрч, олон зуун мянган хүн бэртэж, гэмтсэн байна.

2018 онд тус ордыг үе шаттай хаах шийдвэр гарч, 2023 оны аравдугаар сар гэхэд өрөмдлөгийн ажлыг зогсоосон ч өвлийн цаг агаарын хүнд нөхцөл байдал болон олон улсын байдлын тодорхойгүй байдалтай холбогдуулан 11 цооногийг нээлттэй үлдээсэн байна. Тус ордыг ашиглаж буй “Shell”, “ExxonMobil” корпорацууд энэхүү шийдвэртэй холбогдуулан арбитрын шүүхэд хандаад байна. Арбитрын шүүх Нидерландын засгийн газар энд булшлагдсан асар их нөөцийн төлөө нөхөн төлбөр олгох эсэхийг шийдэх юм.