Д.Энхтүвшин: Төсөв 2023 оныхоос 60 хувь нэмэгдсэн байна

УИХ-ын гишүүн Д.Энхтүвшин төсвийн төсөлд оруулах санал болон цаг үеийн асуудлаар өнөөдөр /2024.11.01/ мэдээлэл өглөө. 

Мэдээллийн үеэр тэрбээр: Намууд дөрөвхөн сарын өмнө сонгуульд орохдоо иргэдийн саналыг авахын тулд гурван намын ярьж байсан нэг саналыг сануулж байна. МАН-ын хувьд төсвийн зардлыг ДНБ-ын 25 хувь хүртэл буулгана гэж заасан байгаа. Арчилсан намын хувьд 20 хүртэл буулгана гэсэн бол ХҮН намын хувьд төсөв буулгах тогтвортой бодлого явуулна гэсэн байсан. 

Гэтэл анхны жилийнхээ төсвийг хэлэлцэж байна. Энэхүү төсөв 2023 оны төсөвтэй харьцуулахад 60 хувь нэмэгдсэн байна. ДНБ-ыг 37.7 хувь болгох төсөл оруулж ирж байна. 

Хувь хүнийхээ хувьд үүнийг бүлэг "залилан" гэж харж байна. Иргэд, сонгогчдыг дөрвөн жилийн дараа мартчихна гэж бодож байх шиг байна. 

Иргэд цалингаас цалин, зээлээс зээлийн хооронд явж байна. Гэтэл төсвийн урсгал зардлыг 10 их наядаар нэмнэ гэж байна. Ачаалал нь аж ахуйн нэгж, иргэдийн нуруун дээр ирнэ. Эдийн засгийн нөхцөл байдал хүнд байгааг ойлгохгүй байна. НӨАТ-ын өр 540 тэрбум болсон байгаа. Энэ нь ковидын өмнөх үеэс 3.6 дахин нэмэгдсэн. Аж ахуйн нэгж дээр ирэх дарамт 2020 онтой харьцуулахад 3.5 дахин нэмэгдсэн. 70 их наядын торгуулийн төлбөр тавигдсан байна. Үүний төлөө аж ахуйн нэгжүүд үйл ажиллагаагаа зогсоож байна.

Үүнтэй би яагаад ч эвлэрэхгүй. Эрх баригч гурван нам амьдралаас хэтэрхий тасархай байна. 

ДЭЛГЭРЭНГҮЙ ҮЗЭХ