Г.Занданшатар: Би түүхэнд анх удаа улсын төсвөө 2.2 их наядаар хэмнэсэн

Монгол Улсын Ерөнхий сайд Г.Занданшатар ард түмэндээ хандаж мэдэгдэл хийлээ. 

Энэ үеэр тэрээр "Нүүрсний хулгайтай тэмцсэн ажлынхаа үр дүнг та бүхэндээ танилцуулж байна. 

Эдийн засгаа сэргээхийн тулд бид нүүрсний хулгайтай тэмцэх ажлаа эхлүүлсэн. Намайг Ерөнхий сайдаар томилогдох үед төсөв 3.3 их наяд төгрөгөөр тасрах эрсдэл үүссэн, эдийн засгийн өсөлт 2.4 хувь болж унасан байсан нь нүүрсний үнэ буурснаас шалтгаалсан зүйлс байсан.

Би ажлаа аваад түүхэндээ улсын төсвөө 2.2 их наядаар хэмнэсэн төсвийн тодотгол хийсэн. 

Эдийн засаг есдүгээр сарын байдлаар сэргэсэн, наймдугаар сарын байдлаар эдийн засгийн өсөлт 5.7 хувьд хүрсэн. "Эрдэнэс Тавантолгой"-д онцгой дэглэм тогтоосны үр дүнд наймдугаар сарын байдлаар борлуулалтын орлого нь 1.6 дахин өссөн, биржийн тээвэр 1.5 дахин өссөн, экспорт 1.2 дахин өссөн, үр ашиг нь 3 дахин өссөн, орлого 1.3 дахин өссөн, олборлолт 1.1 дахин өссөн байгаа нь тэнд байсан хулгайтай тэмцсэний үр дүн.

Залуус гудамжинд нүүрсний хулгайтай тэмцэхийг шаардаж байсан. УИХ, Засгийн газар тухайн үед Б.Энхбаярыг Хууль зүй, дотоод хэргийн сайд байхад нээлттэй сонсгол зохион байгуулж байсан. Би УИХ-ын даргыг нүүрсний хулгайн эсрэг тэмцэлд хамтран ажиллана гэж итгэж байсан. Нүүрсний хулгайн хэрэгт холбогдсон гэдэгт нь итгэхийг хүсээгүй. Харамсалтай нь Их хурлын дарга нэр холбогдсон байсан. 

Монгол Улсын Ерөнхий сайд би онцгой бүрэн эрхийнхээ хүрээнд УИХ-ын гишүүн Б.Энхбаярыг Хууль зүй, дотоод хэргийн сайдаар томилж байгаагаа ард түмэндээ хандан мэдэгдэж байна" гэлээ. 

ДЭЛГЭРЭНГҮЙ ҮЗЭХ