С.Ганбаатар, С.Баярцогт нар ирэх сард мэтгэлцэнэ

Оюутолгойн гэрээ Монголын ард түмэнд ашиггүй юу эсвэл гэрээлэгч талуудад харилцан ашигтай юу гэдэг өнөөдөр нийгэмд эргэлзээтэй байгаа билээ. Тиймээс энэ асуудлыг мэтгэлцээний журмаар арилгах нь зүйтэй гэж УИХ-ын гишүүн С.Ганбаатар үзсэн бөгөөд тэрбээр С.Баярцогт гишүүнийг дуэльд дуудсан ч тодорхойгүй хугацаагаар хойшилсон. Тэгвэл УИХ-ын гишүүд ирэх сарын 7-14-ний өдрүүдийн аль нэгэнд Төрийн ордонд  мэтгэлцэх гэж байна. Мэтгэлцээнд УИХ-ын гишүүн С.Ганбаатар бэлэн бол УИХ-ын гишүүн С.Баярцогт ч бэлэн гэнэ. Гагцхүү УИХ-ын гишүүн С.Баярцогт гадаадад ажиллаж байгаа бөгөөд ирэх долоо хоногт ирэх ажээ.  

Зохион байгуулалтын ажил үлдээд байгаа уг мэтгэлцээнд иргэдийн төлөөллийг оролцуулах, том дэлгэцээр гаргах боломжоор хангуулах хүсэлтэй байгаагаа УИХ-ын гишүүн С.Ганбаатар хэлэв.

А.Баярмаа