Филиппин Хагупит хар салхинаас сэргийлж олон мянган хүнийг нүүлгэн шилжүүллээ

Филиппиний зүүн нутаг руу нутгийн хэлээр “Хагупит” олон улсын нэршлээр “Руби” гэсэн нэр авсан асар хүчтэй далайн хар салхи ирж байгаатай холбоотойгоор Зэвсэгт хүчнээ байлдааны бэлэн байдалд оруулжээ. “Хагупит” хар салхи нь тээж яваа хөнөөх чадвар, хүч, хурдаараа өнгөрсөн жил 6000 гаруй хүний аминд хүрсэн “Хайянь” хар салхитай ойролцоо аж.

Хар салхи дайран өнгөрч магадгүй мужууд руу хүнсний бүтээгдэхүүн, эм тарианы нөөц явуулж, зарим газраас оршин суугчдыг нь нүүлгэн шилжүүлэх ажлыг эхлүүлээд байна. Филиппиний 21 мужид шуурганы анхааруулга явуулж бүх усан ба нисэх онгоцыг рейсийг цуцлажээ. Мөн умард нутгийн Лусон галт уулыг хар салхи дайрахаар болвол энэ уулын энгэрт амьдардаг хагас сая шахуу хүнийг нүүлгэн шилжүүлэх аж. Төв нутгийн Себу мужийн бүх сургуулиудад хичээл хаасан бол зарим зочид буудалд үйлчлүүлэгчдээ өрөөг суулаж гэр орондоо харихыг шаардсан байна.

“Хагупит” хар салхи өчигдөр Филиппини цаг агаарын албаны хариуцдаг нутагт орж ирсэн бол өнөөдөр өглөө Боронган хотоос 485 км- зайнд ирсэн байжээ. Хар салхины дотор салхины ыхурд дунджаар цагт 215 км хүрч, ширүүсэх үедээ 250 км/ц хүрч байгаа аж. Маргааш хар салхины эхний хэсэгт Самар аралд хүрэх үед салхины хурд бүр нэмэгдэж, салхинд туугдсан далайн давалгааны өндөр 4-5 метрт хүрэх аж.

Жил болгон борооны улирлын үеэр, зургаагаас арван хоёрдугаар сарын хооронд Филиппинийг нийт 20 гаруй хүчтэй далайн шуурга, хар салхи дайрдаг.