Опра Уинприг ардаа орхисон хар арьст бүсгүй

Автор | Zindaa.mn
2015 оны 01 сарын 01

 

Шоу бизнесийн алдартан, телевизийн супер од Опра Уинпри дэлхийн хамгийн баян хар арьст эмэгтэй гэсэн нэрийг олон жил хадгалж байсан. Түүний хөрөнгийг “Форбэс” сэтгүүл 300 сая ам.доллараар үнэлсэн байдаг. Тэгвэл түүнийг давж нэгэн шинэ тэрбумтан хар арьст эмэгтэй төржээ. Нигерийн газрын тосны магнат, хөрөнгө нь 3.3 тэрбум ам.доллараар хэмжигдээд байгаа хатагтай Фолорунсо Алакижа дэлхийн хамгийн баян хар арьст эмэгтэй гэгдэх болсон байна.
 
Түүнийг Нигерийн загварын хатан хаан ч гэдэг. Өдгөө 62 настай тэрбумтан хатагтай ажлын гараагаа Ниерийн “Мерчант” Банкны нарийн бичгийн даргаас эхлүүлсэн ажээ. Мөн тэрээр 1980-аад оны эхээр Англид загвар зохион бүтээгчээр суралцаж байсан байна. Англиас ирсэн хойноо тансаг зэрэглэлийн “Supreme Stitches” хэмээх шошгийг бий болгосон юм. Хувцасны салбарт гаргасан түүний амжилт эд баялагийг хуримтлуулж байсан хэдий ч хөрөнгөө нефтийн салбарт оруулснаар жинхэнээсээ баян болсон байна.
 
1993 онд нефтийн хайгуулын “Famfa Ltd” компанийг байгуулж 617 мянган акр газар хайгуулын ажил хийсэн нь өндөр ашгаа өгсөн ажээ. Түүний хөрөнгөд 100 сая ам.доллараар үнэлэгдэх үл хөдлөх хөрөнгө болон 46 сая ам.долларын хувийн нисэх онгоц нь ч багтдаг байна.        
 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
өндөр болгох нууц (112.72.11.67)  2015 оны 01 сарын 06

15-35 насныханд зориулсан ӨНДӨР БОЛГОХ НУУЦ номыг ИНТЕРНОМ, МИР, МАЖЕСТИК, АЗ ХУР, АЛТАНТӨГРӨГ, ГОЛДЭН БҮҮК номын дэлгүүрээс худалдан аваарай. Үнэ: 22 000₮

0  |  0
Top