Ш.Алтантуяагийн тухай “ВВС” мэдээлжээ
Манай улсын иргэн Ш.Алтантуяагийн амь насыг хөнөөсөн хэрэгт буруутгагдсан Малайзын цагдаагийн офицер Азила Хадри, Сирул Азхар Умар нарт цаазын ял оноосон тухай Их Британийн “ВВС” агентлаг мэдээллээ. Эл хэрэг зөвхөн Ази гэлтгүй дэлхий нийтэд танил болсон юм.
Тэртээ 2006 оны арваннэгдүгээр сарын 9-нд 28 настай Ш.Алтантуяаг Малайзын Силангор мужийн Субан Дам хэмээх ойд толгой руу нь буудаж хороосон байдаг. Түүний цогцсонд тэсрэх бодис хоёр ширхэгийг хийж бэхэлж дэлбэлсэн ч талийгаачийн ясны хэлтэрхийнүүд үлдсэнээр уг хэрэг илэрсэн гэдэг.
“ВВС” агентлагт бичсэнээр Малайзын дээд шүүх Ш.Алтантуяагийн амийг хөнөөсөн цагдаагийн офицеруудыг цаазаар авах болсон нь хэд хэдэн удаа шударга бус шийдвэр гаргасан шүүхийг ялж чадсан хэрэг боллоо гэсэн байна.
Манай улсын иргэн Ш.Алтантуяагийн хэргийн тухай барууны “ВВС”, “Daily Online” зэрэг сонинд удаа дараа нийтлэгдэж байсан бөгөөд тэр бүртээ талийгаачийн хэргийг зүй бусаар шийдвэрлэсэн тухай нийтэд мэдээлж байсан юм.
Мөн тус хэвлэлд “Ш.Алтантуяагийн прокурор давж заалдан, хэргийг шударгаар шийдвэрлэхийн төлөө тууштай ажилласан” гэж онцолжээ.
Т.Бат
Холбоотой мэдээ
Сэтгэгдэл ( 2 )
ОРОС улсад 22 хүнийг онц хэрцгийгээр алсан алуурчан баригдаад насаараа хорих ял авсан байхад малайзад бол хүний амийг хөнөөсөн этгээд шууд цаазаар авхуулж байна.
одоо нөгөө гол этгээдийг малайзийн нэг онгоцонд суулгаа явуулах үлдлээ өглөө зорчигч..