Оскарт нэр дэвшигчдийг тодрууллаа

Дэлхийн кино урлагийн хамгийн нэр хүндтэй “Оскар”-ын шагналд нэр дэвшигчдийг АНУ-ын Кино Академи 24 номинацид шалгаруулан Лос-Анжелесийн Самуэл Голдвины нэрэмжит театрт зарлалаа. “Оскар”-ын хүндэт шагналыг Японы алдарт хүүхэлдэйн киноны найруулагч Хаяо Миязаки, Ирландын жүжигчин, дуучин Морин О’Хара нарт гардуулахаар тогтсон бол АНУ-ын жүжигчин, дуучин Харри Белафонтед энэрэнгүй үйлсэд оруулсан хувь нэмрийг нь үнэлэн Жин Хершолтын шагнал өгөхөөр болсон байна. “Оскар”-ын шагнал гардуулах ёслол хоёрдугаар сарын 22-нд болно. Харин жүжигчин Нил Патрик Харрис хөтлөх аж.