Япончууд алан хядагчдаас ямар хариу авах бол?

Өнгөрсөн ням гарагт Японы сүүлчийн барьцааны хүн Кэнжи Готог лалын хэт даврагчид цаазалж орхив. Энэ гэнэтийн хийгээд давчуухан үйл явдлууд Японы засгийн газрыг цаашид оршин тогтнох эсэхийг ч шийдэхдээ тулаад байна. Тодруулбал Шинзо Абэ ерөнхий сайдлын суудлаа буцааж өгөх шалтгааны эх үүсвэр байж мэдэх юм.

Болсон явдлын дараа чухал асуулт гарч ирэв. Цаашид Япон иргэдийн хилийн чанад дахь амь нас, аюулгүй байдлыг хангах тал дээр Япон улс ямар алхам хийх вэ. Японы Засгийн газар энэ онд хилийн чанад дахь иргэдийнхээ аюулгүй байдлын тал дээр шал өөр дүр, шал өөр арга барилаар тоглох шаардлагатай гэдгийг харуулж буй бололтой.

 Сар хүрэхгүй хугацааны дотор Японы хоёр иргэнийг гэнэт барьцаалж, дараалан цаазалсан лалын алан хядагчид наран улсын нийгэмд асар том цохилт өгөв. Маш олон япончууд энэхүү харгис шалгалтын тухай нийгмийн сүлжээгээр үзэл бодлоо илэрхийлж, тэднийг аврахын төлөө яагаад нэг ч цэргийн алба хаагч илгээгээгүй тухай Шинзо Абэгээс ам асууж байна.

Гэхдээ Японы Засгийн газрын тэргүүн Шинзо Абэ барьцааны хоёр иргэнийг хөнөөсөн лалын улсыг өршөөхгүй гэж заналтай мэдэгдэв. Барьцаанд байсан сүүлчийн иргэн Кэнжи Готог хөнөөж байгаа бичлэгийг интернэтэд байршуулсны дараа ISIS-ийн гишүүд дэлхий нийтэд хандан “Бидний ах дүүсийг хөнөөсөн гадныханд хариуг нь өгөх болно” гэжээ.

Болсон явдлын дараа бууж өгөхгүй гэдгээ Японы засгийн тэргүүн мэдэгдээд энэ мөчөөс хойш Япон улс терроризмтой цуцашгүй тэмцэх болно гэж Шинзо Абэ ярьсан юм. Энгийн номхон иргэдийг амь нас лалын босогчдод ямар ч үнэ цэнэгүй байдаг нь барьцааны иргэдийг өршөөлгүй цаацалсан алан хядагчдын үйлдлээс харагдаж байгааг ч хатуухан онцоллоо.

Шинзо Абэ бүх Япон улсын иргэдээс уучлалт гуйж, байж боломгүй харгислал манай улсын түүхэнд хараар бичигдэн үлдлээ гэжээ.  

Т.Бат