Хятадын дарга АНУ-д айлчилна

БНХАУ-ын ерөнхийлөгч Си Зиньпин ирэх есдүгээр сард АНУ-д айлчилна. Хоёр улсын ерөнхийлөгчид бүс нутгийн гео политикийн асуудал гэх зэрэг бас бус сэдвээр уулзалт хийх юм. Обама Си Зиньпин рүү залган, АНУ-д айлчлах санал тавьсан байна.

Ажиглагчид энэхүү уулзалтаар БНХАУ, ОХУ-ын хооронд хийгдэж буй газрын тосны томоохон экспорт, импортын худалдааны транзит тээврүүдийн тухай түлхүү ярилцах байх хэмээн таамаглав. Учир нь ОХУ-ын ерөнхийлөгч В.Путин барууны тавьсан хоригоос үүдэж Ази тивийн хар алтны хэрэгцээг хангахаар нефть зөөвөрлөх томоохон төмөр замын төслүүдэд ханцуй шамлан орсон билээ.

Түүнчлэн АНУ, БНХАУ-ын эдийн засаг, худалдааны эргэлтийг сайжруулах, хоёр орны кибер орон зайн ялгаатай байдалд харилцан яриа өрнүүлэх болон олон улсын аюулгүй байдлын төлөө хамтран зүтгэх гэх мэт чухал сэдвүүдээр ярилцах бололтой.

Т.Бат