IS-н 45 дайчныг устгав
Исламын левантуудаас бүрдсэн жихадист IS бүлэглэлийн 45 дайчныг агаарын цохилтоор устгаж сөнөөсөн тухай АНУ-ын арми мэдээллээ. Бөмбөгдөлт Иракийн Аль Багдади сууринд чиглэсэн бөгөөд энд IS-ийн хэд хэдэн чухал байрлал байжээ.
Ирэх өдрүүдэд бөмбөгдөлт Иракийн Айн Аль асад агаарын баазыг чиглэл юм. IS-ийн ихэнх хүчин энэ бүст төвлөрч буй төдийгүй ойролцоогоор 2000 зэвсэгт босогчид бүгж байгаа тухай мэдээллийг Пентагон дэлхий нийтэд өгсөн байна.
IS-ийн зэвсэгт дайчид Иорданы нисгэгчийг шатааж, Японы хоёр иргэнийг цаазалсны сацуу саяхан Египетийн 21 иргэнийг толгой дараалан устгасан юм. Бүс нутагтаа ийм хэмжээний дайсагнал бий болгосон левантуудын эсрэг зөвхөн АНУ, Европын холбоо зэвсэглэн хөдлөөгүй. Тэднийг устгаж, газрын хөрснөөс арчих хүсэлтэй улс орнууд өдрөөс өдөрт нэмэгдсээр байна. Египет улс иргэдээ хөнөөлгөсний дараа IS-ийн бүх байршилд өргөн фронтоор агаарын цохилт өгөхөө мэдэгдсэн бол Иордан ч мөн 140 гаруй сөнөөгчдөөр бөмбөгдөлтөө өргөжүүлэх гэнэ.
Т.Бат
Холбоотой мэдээ
Сэтгэгдэл ( 0 )